Foto: Pexels.com
2025 jyldan bastap elimizdegi 1000 aýyl mektebi «Aýyl mektebi – sapa alańy» respýblikalyq jobasyna qosylady, dep habarlaidy Ult.kz.
Memleket basshysynyń tapsyrmasymen aýyl mektepterin damytý baǵytyndaǵy júieli jumystar jalǵasýda.
Qazirgi tańda joba aiasynda ár óńirde arnaiy bastamalar qolǵa alynǵan. Mysaly:
- Aqtóbe oblysynda – shaǵyn jinaqty mektepterdiń tsifrlyq áleýetin arttyrý;
- Almaty oblysynda – jaratylystaný-matematika baǵytyndaǵy bilim sapasyn jaqsartý;
- Mańǵystaý oblysynda – «Otpan» tirek mektepter jelisin damytý;
- Ulytaý oblysynda – «Ustaz Ulytau» jobasy iske qosyldy.
Alǵashqy kezeń nátijeleri:
- Mektepterdiń materialdyq-tehnikalyq bazasy jańartyldy.
- Zamanaýi pándik jáne tsifrlyq kabinetter ornatyldy.
- Jyldam internetpen qamtamasyz etildi.
- Pedagogtar kásibi damýǵa baǵyttalǵan arnaiy kýrstardan ótti.
Orta bilim Komitetiniń tóraǵasy Qanybek Jumashev:
«2023 jyly jobaǵa Aqtóbe oblysynyń 12 tirek jáne 134 shaǵyn jinaqty mektebi qatysyp, 11 myńnan astam oqýshy men 3,5 myń pedagog qamtyldy. Al biyl 192 tirek jáne 759 shaǵyn jinaqty mektep jobamen jumys isteidi», – dep málimdedi.
Aita keteiik, Qazaqstanda barlyǵy 8 myń mektep bolsa, onyń 67%-y aýyldyq, al 51%-y shaǵyn jinaqty mektepter. Eń kóp shaǵyn jinaqty mektepter Soltústik Qazaqstan, Qostanai, Aqmola, Pavlodar, Batys Qazaqstan jáne Aqtóbe oblystarynda ornalasqan.
Maqsaty – aýyl mektepterin zaman talabyna sai damytý arqyly bilim sapasyn arttyrý.
