- Shyǵys Qazaqstan oblysy qoǵamdyq keńesiniń densaýlyq saqtaý boiynsha saraptaý jumys toby aimaqtaǵy meditsina mekemelerin, sonyń ishinde ońaltý ortalyǵynyń jumysyn tekserip, óz otyrysynda oblystaǵy densaýlyq saqtaý máselelerin talqylady. Usynystar men usynymdar ázirlengen soń, olardy ShQO qoǵamdyq keńesine jiberdi.
Aimaqtaǵy meditsinalyq mekemelerdi sarapshylardyń aralap shyǵýy nátijesinde myna jaittar belgili boldy: №4 qalalyq aýrýhana jańa qural-jabdyqqa zárý, al Óskemenniń jedel meditsinalyq kómek stantsiialarynyń avtoparkin jańartý kerek, sebebi 13 reanimobildiń altaýy jumysqa jaramsyz.
Patsientterden eń kóp shaǵym túsken oblystyq ońaltý ortalyǵyna sarapshylar esh josparsyz bardy.
«Nysan barlyq qajetti quraldarmen jabdyqtalǵan, shtat ta tolyq jasaqtalǵan, - deidi ShQO qoǵamdyq keńesi densaýlyq saqtaý boiynsha saraptaý jumys tobynyń tóraiymy Tatiana Chernyshova. - Biraq, birqatar máseleler bar eken. Jańbyr sýyn aǵyzatyn kanalizatsiianyń durys qurylmaýynan lift shahtasyn únemi sý basady. Sol sebepti, ońaltý ortalyǵyna asa qajet liftiler qazir istemei tur.
Ǵimarat shatyrynan sý aǵady. Jertóle qabaty sapasyz jasalǵan. Ondaǵy ylǵaldyń kóptiginen zeń paida bolǵan. Em vannalary tolyq qýatymen jumys istemeidi, sebebi oǵan sý durys berilmeidi, sapasy da syn kótermeidi. Mundai jaǵdaida em qabyldaýdyń ózi múmkin emes.
Jylý toraby rettelmegendikten, jylý shyǵyny esepte kórsetilgen shamadan asyp ketken. Dýsh bólmelerinde edenge bekitilmegen taiǵanaq tósenishter qoiylǵan. Tutqalary joq. Osy kemshiliktiń bárin ǵimratty turǵyzǵan qurylysshylar jónge keltirýi tiis».
Oblystyq ana men bala ortalyǵynyń direktory Sergei Popov qymbat em túrlerine jeńildikterdiń patsient kúte alatyn aýrý túrlerine (býyn, kóz aýrýlary) ǵana bólinetinin aitty. Kardiologiialyq otalar jasaýdyń jóni bólek. Olar esh shekteýsiz jasala beredi jáne qazir eshqandai kezek joq. Sondai-aq, Qazaqstanda kórsetilmeitin meditsinalyq qyzmet túrlerine de jeńildikter bar, bul jaǵdaida patsientter shetelge em alýǵa barady. Alaidy qazir basqa ádis qoldanylýda.
«Bizdiń klinikalar barlyq qajetti quraldar bar, tek qajetti bilim men qabilet jetpei jatyr. Patsientterdi shetelge shyǵarǵannan, sheteldik mamandardy Qazaqstanǵa shaqyrý jáne otandyq mamandardy oqytý áldeqaida arzanyraq. Sondyqtan, biz sheteldik mamandardy kóptep shaqyryp, patsientterdi osynda emdep jatyrmyz. Osylaisha, otandyq dárigerler tájiribe jinaqtaýda, al biz sheberlik saǵattary kezinde birneshe patsientterimizdi emdep alýǵa tyrysamyz», - dedi oblystyq ana men bala ortalyǵynyń direktory Sergei Popov.
«100 naqty qadam» Ult josparyndaǵy 5 prezidenttik reformanyń besinshi tapsyrmasy - halyqqa esep beretin úkimetti qalyptastyrý. Búginde aimaq boiynsha jergilikti atqarý organdary janynda 20 Qoǵamdyq keńes jumys isteidi.
