.jpg)
Foto: Qorǵanys ministrligi
Qazir ásker qataryna kelgen sarbazdarǵa nesielerin óteý keiinge shegerilip jatyr. Bul týraly QR Qorǵanys ministriniń orynbasary Darhan Ahmediev málim etti, dep habarlaidy Kazinform HAA.
«Qarýly Kúshterdi tsifrlyq transformatsiialaý áskeri qyzmet ótkerýdiń tartymdylyǵyn arttyrý is-sharalaryn iske asyrýǵa múmkindik berdi. Onyń biri merzimdi áskeri qyzmetke shaqyrylǵan azamattarǵa krediti boiynsha kanikýl berýge qatysty. Azamattardy merzimdi áskeri qyzmetke shaqyrý týraly buiryq tikelei júiede shyǵarylyp, birden Memlekettik kredittik biýroǵa jáne Birinshi kredittik biýro servisine beriledi. Osy uiymdar nesiesi bar sarbazdardy birden anyqtap, derekterdi bankter men shaǵyn nesie uiymdaryna joldaidy. Budan keiin qaryzdy keiin óteý týraly sheshim shyǵarylady», - dedi D. Ahmediev Ortalyq kommýnikatsiialar qyzmetindegi baspasóz máslihatynda.
Onyń aitýynsha, bank sarbazdardyń bereshegin qaitarý merzimin 14 aiǵa deiin shegerdi. Bul turǵyda endi merzimdi áskeri qyzmetshi 12 ai Qarýly Kúshter qatarynda bolǵan kezeńde, sondai-aq úige oralǵan soń 2 ai merzimde qaryzyn óteýden bosatylady.
«Osy eki aidyń ishinde áskerden oralǵandar jumysqa ornalasyp, qaryzyn ótei bastaidy. Jalpy somasy 4 mlrd teńgege 15 myń qaryz boiynsha merzimdi áskeri qyzmetke shaqyrylǵan 10 myńnan astam adamǵa kredit boiynsha kanikýl berildi», - dedi ministrdiń orynbasary.
