Bilim jáne ǵylym ministrliginiń mektepke deiingi jáne orta bilim komitetiniń tóraǵasy Maira Meldebekova birinshi synypqa qabyldanatyn balanyń jazyp, oqý qabiletine bailanysty qoiylatyn talapqa qatysty pikir bildirdi, dep habarlaidy Sputnik Qazaqstan.
"Birinshi synypqa qabyldanatyn balalar jazyp-syzyp, oqyp, eseptei alýy tiis degen talap joq. Bilim týraly zańǵa sáikes elimizdegi barlyq balalar tegin bilim alýmen qamtamasyz etilýi tiis", – dedi Meldebekova.
Aita keteiik, osy kúnderi barlyq mektepterde birinshi synypqa qujattardy qabyldaý júrgizilýde. 1 maýsymnan bastalǵan shara 1 tamyzǵa deiin jalǵasady. Al ótinimderdi dástúrli qaǵaz túrinde nemese egov.kz elektrondyq úkimet portaly arqyly berýge bolady.
Sondai-aq komtitet tóraǵasynyń aitýynsha, tamyz aiynda elimizdiń barlyq aýmaǵynda jazǵy mektep ashý josparlanǵan. Ol jerde balalar tótenshe jaǵdaiǵa bailanysty tórtinshi toqsanda ótpei qalǵan taqyryptardy meńgerip, qaitalaityn bolady.
