Videodan alynǵan kadr
Qazaqstanǵa iri kólemde ekonomikalyq zalal keltirdi degen kúdikpen azamat Reseiden ekstraditsiialandy, dep habarlaidy Ult.kz.
Ony Bas prokýratýra men IIM Interpolynyń qyzmetkerleri Qazaqstannyń Reseidegi elshiliginiń qoldaýymen elge qaitardy.
Tergeý nusqasyna sáikes, kúdikti transulttyq qylmystyq top quramynda áreket etip, 2023 jyly aktsizdeletin temeki ónimderin sáikestendirý tańbasynsyz zańsyz saqtap, tasymaldaǵan. Bul áreketterdiń saldarynan memleket biýdjetine 1 milliard teńge kóleminde salyq túspei qalǵan.
Qylmys jasalǵannan keiin ol boi tasalap, halyqaralyq izdeýge jariialanǵan. 2025 jyldyń sáýirinde Resei aýmaǵynda ustalyp, Qazaqstanǵa jetkizildi.
Qazir kúdikti tergeý izoliatoryna qamaldy. Oǵan taǵylǵan aiyptar dáleldense, múlki tárkilenip, 12 jylǵa deiin bas bostandyǵynan aiyrylýy múmkin.
