18 mamyrdan elordadaǵy ońaltý ortalyqtarynyń jumysyn bastaýy josparlanyp otyr. Bul týraly Nur-Sultan qalalyq bilim basqarmasynyń basshysy Sholpan Qadyrova málim etti, dep habarlaidy "Ult aqparat".
«1 maýsymnan barlyq mektepke deiingi uiymdardyń jumysyn shtattyq rejimde qaita bastaý josparlanýda. Sondai-aq arnaiy uiymdar, psihologiialyq-meditsinalyq ári pedagogikalyq konsýltatsiialar, psihologiialyq-pedagogikalyq túzeý kabinetteri, ońaltý ortalyqtary 18 mamyrdan jumysyn bastaýǵa daiyn. Erekshe bilimdi qajet etetin ár balamen jeke jumystar júrgiziledi», - dedi Sh. Qadyrova onlain baspasóz máslihatynda.
Osy oraida ol týyndaǵan suraqtar boiynsha ata-analar bilim basqarmasynyń koll-ortalyǵyna habarlasa alatynyn atap ótti.
Budan buryn habarlanǵandai, biyl 18 mamyrdan bastap menshik nysanyna qaramastan mektepke deiingi barlyq bilim berý mekemeleri kezekshi top rejiminde jumystaryn bastaýǵa daiyn.
«Balabaqshalar sanitarlyq-dezinfektsiialyq normalardy qatań saqtai otyryp, balany úide qaldyrýǵa múmkindigi joq jumys isteitin ata-analar úshin, odan keiin ǵana basqa ata-analardyń qalaýy boiynsha balalardy qabyldaidy. Árbir mektepke deiingi uiymdardyń kezekshi toptarynda bala sany 15-ten aspaýy tiis. Eger balabaqshaǵa kelmegen jaǵdaida, balanyń orny saqtalady», - dedi Sh. Qadyrova.
