Нұр-Сұлтан қаласында «Мигрант» жедел-алдын алу шарасын өткізу барысында Ресей Федерациясының 36 жастағы азаматы ұсталды, деп хабарлайды "Ұлт ақпарат" Нұр-Сұлтан қаласы полиция департаментінің баспасөз қызметіне сілтеме жасап.
Ұсталған ер адам 2015 жылы Ингушетия Республикасының аумағында тонаушылық жасағаны үшін айыпталып отыр.
Түнгі уақытта бір топ адам Назрань қаласындағы 52 жастағы тұрғынның үйіне басып кіріп, оған күш қолданамыз деп қорқытып, үйін тонап кеткен.
Қара киім киіп, бетін бүркеген шамамен алты адамнан тұратын қылмыскерлер тобының қолында қару-жарақ болған.
Олар жәбірленушінің 3 млн 600 мың рубль көлемінде ақшасын, алтын бұйымдар, бағалы заттарын алып, оқиға орнынан ізін жасырған.
Аталған факті бойынша Ресейдің Ингушетия Республикасы ІІМ РФ Қылмыстық кодексінің 162-бабымен (тонаушылық) қылмыстық іс қозғады.
Ұсталған азаматқа 2017 жылдан бері мемлекетаралық іздеу жарияланған.
Ер адамның Қазақстанға 2015 жылдың қазан айында келіп, сол кезден бері алыс туысының қолында бейресми жұмыс істегені анықталды.
832 рет оқылды
