Фото: gov.kz
Ақтөбе облысында бір тәулік ішінде екі бала көпқабатты үйлердің терезесінен құлап кетті, деп хабарлайды Ult.kz.
Полицияның мәліметінше, оқиғалардың бірі Ақтөбе қаласындағы Есет батыр шағын ауданында болған. Онда 6 жасар бала екінші қабаттан құлаған. Ал Қандыағаш қаласында 4 жасар бала үшінші қабаттың терезесінен құлап кеткен.
Екі жағдайда да балалар ересектердің қарауынсыз қалып, терезедегі москит торына сүйеніп, төменге құлаған.
Абырой болғанда, балалар ауыр жарақат алмаған.
Полиция ата-аналарды балаларды қараусыз қалдырмауға және терезе қауіпсіздігіне ерекше назар аударуға шақырды.
62 рет оқылды
