Qazaqstanda mamyr aiynyń sońǵy aptasynda aýa raiy qubylmaly bolady. Qazgidromettiń boljamynsha, respýblika aýmaǵynyń basym bóliginde atmosferalyq frontaldy bólikterdiń ótýine bailanysty jańbyr jaýyp, naizaǵai oinaidy, dep habarlaidy ult.kz.
27 mamyr kúni elimizdiń batys óńirlerinde qatty jańbyr jaýýy yqtimal. Al 27-28 mamyr aralyǵynda ońtústik, ońtústik-shyǵys jáne ortalyq aimaqtarda nóser jaýyn kúsheiip, kei jerlerde burshaq túsýi múmkin. 28 mamyrda soltústik pen shyǵys oblystarynda da qatty jańbyr, ekpindi jel kútiledi.
Sondai-aq respýblika boiynsha jeldiń kúsheiýi boljanyp otyr. Kei óńirlerde jeldiń ekpini qaýipti deńgeige deiin jetýi yqtimal.
Sinoptikter 26-27 mamyr túnderinde shyǵys aimaqtarda aýa temperatýrasy 2 gradýsqa deiin tómendep, úsik júrýi múmkin ekenin eskertti.
Apta sońyna qarai aýa temperatýrasy birtindep tómendeidi. Kúndizgi ýaqytta batys óńirlerde +16…+28°S, soltústik pen ortalyqta +18…+25°S, shyǵysta +23…+30°S, al ońtústikte +20…+27°S shamasynda bolady.
Mamandar turǵyndarǵa aýa raiynyń kúrt ózgerýine bailanysty saqtyq sharalaryn ustanyp, daýyldy eskertýlerdi baqylap otyrýǵa keńes beredi.
