Shuǵyla shaǵynaýdanynda aýysymyna 500 adam qabyldai alatyn zamanaýi emhananyń qurylysy jalǵasýda. Jańa nysan qarqyndy damyp kele jatqan aýdan turǵyndary úshin meditsinalyq kómektiń qoljetimdiligin arttyrady, dep habarlaidy ult.kz.
Ǵimarattyń jalpy alańy 12,7 myń sharshy metr. Munda pediatriia, terapiia jáne hirýrgiia bólimsheleri, áielder konsýltatsiiasy, kúndizgi statsionar jáne ońaltý ortalyǵy ornalasady.
Meditsinalyq mekeme zamanaýi qurylǵylarmen jabdyqtalady: munda MRT, KT, mammografiia, rentgen kabinetteri jáne avtomattandyrylǵan zerthana jumys isteidi.
Turǵyndarǵa yńǵaily bolý úshin balalar men eresekterge arnalǵan jeke kireberister, sondai-aq mobildiligi tómen azamattarǵa arnalǵan pandýstar men jedelsatylar qarastyrylǵan.
Qazir qurylys-montaj jumystarynyń shamamen 40% oryndaldy. Sonymen qatar, aýmaqty kóriktendirý jáne kógaldandyrý jumystary qolǵa alynǵan. Qurylysty 2026 jyly qarasha aiynda aiaqtaý josparlanǵan.
Jańa nysan Naýryzbai aýdanynyń turǵyndary úshin meditsinalyq kómekti jaqyn ári jaily etýge múmkindik beredi.
