قازاقستاندا مامىر ايىنىڭ سوڭعى اپتاسىندا اۋا رايى قۇبىلمالى بولادى. قازگيدرومەتتٸڭ بولجامىنشا, رەسپۋبليكا اۋماعىنىڭ باسىم بٶلٸگٸندە اتموسفەرالىق فرونتالدى بٶلٸكتەردٸڭ ٶتۋٸنە بايلانىستى جاڭبىر جاۋىپ, نايزاعاي وينايدى, دەپ حابارلايدى ult.kz.
27 مامىر كٷنٸ ەلٸمٸزدٸڭ باتىس ٶڭٸرلەرٸندە قاتتى جاڭبىر جاۋۋى ىقتيمال. ال 27-28 مامىر ارالىعىندا وڭتٷستٸك, وڭتٷستٸك-شىعىس جەنە ورتالىق ايماقتاردا نٶسەر جاۋىن كٷشەيٸپ, كەي جەرلەردە بۇرشاق تٷسۋٸ مٷمكٸن. 28 مامىردا سولتٷستٸك پەن شىعىس وبلىستارىندا دا قاتتى جاڭبىر, ەكپٸندٸ جەل كٷتٸلەدٸ.
سونداي-اق رەسپۋبليكا بويىنشا جەلدٸڭ كٷشەيۋٸ بولجانىپ وتىر. كەي ٶڭٸرلەردە جەلدٸڭ ەكپٸنٸ قاۋٸپتٸ دەڭگەيگە دەيٸن جەتۋٸ ىقتيمال.
سينوپتيكتەر 26-27 مامىر تٷندەرٸندە شىعىس ايماقتاردا اۋا تەمپەراتۋراسى 2 گرادۋسقا دەيٸن تٶمەندەپ, ٷسٸك جٷرۋٸ مٷمكٸن ەكەنٸن ەسكەرتتٸ.
اپتا سوڭىنا قاراي اۋا تەمپەراتۋراسى بٸرتٸندەپ تٶمەندەيدٸ. كٷندٸزگٸ ۋاقىتتا باتىس ٶڭٸرلەردە +16…+28°س, سولتٷستٸك پەن ورتالىقتا +18…+25°س, شىعىستا +23…+30°س, ال وڭتٷستٸكتە +20…+27°س شاماسىندا بولادى.
ماماندار تۇرعىندارعا اۋا رايىنىڭ كٷرت ٶزگەرۋٸنە بايلانىستى ساقتىق شارالارىن ۇستانىپ, داۋىلدى ەسكەرتۋلەردٸ باقىلاپ وتىرۋعا كەڭەس بەرەدٸ.
