Mamyr aiynyń sońǵy aptasy Qazaqstan turǵyndaryn qubylmaly aýa raiymen qarsy almaq. Sinoptikterdiń boljamynsha, respýblika aýmaǵynyń basym bóliginde atmosferalyq frontaldy bólikterdiń ótýine bailanysty turaqsyz aýa raiy saqtalady, dep habarlaidy ult.kz.
Aldaǵy kúnderi eldiń birneshe óńirinde jańbyr jaýyp, naizaǵai oinaidy. Kei aimaqtarda jaýyn-shashyn kúsheiip, burshaq túsýi múmkin.
Boljamǵa sáikes, 27 mamyr kúni Batys Qazaqstanda qatty jańbyr kútiledi. Al 27-28 mamyr aralyǵynda ońtústik, ońtústik-shyǵys jáne ortalyq óńirlerde nóser jańbyr jaýyp, ekpindi jel soǵady. 28 mamyrda qolaisyz aýa raiy soltústik pen shyǵys oblystardy qamtidy.
Sinoptikter respýblika boiynsha jeldiń kúsheiýi múmkin ekenin eskertti.
Sonymen qatar, 26-27 mamyr túnderinde eldiń shyǵys bóliginde aýa temperatýrasy tómendep, 2 gradýsqa deiin úsik júrýi yqtimal.
Apta sońyna qarai aýa temperatýrasy birtindep tómendeidi. Kúndizgi temperatýra:
batys óńirlerde +16…+28°C,
soltústik jáne ortalyq aimaqtarda +18…+25°C,
shyǵysta +23…+30°C,
ońtústikte +20…+27°C shamasynda bolady.
Mamandar turǵyndarǵa aýa raiynyń ózgerýine bailanysty saqtyq sharalaryn ustanyp, alys jolǵa shyǵarda sinoptikterdiń eskertýine nazar aýdarýǵa keńes beredi.
