Ulttyq qaýipsizdik komiteti biyl sáýir aiynan beri esirtki jetkizýdiń 9 halyqaralyq jáne 2 óńirlik arnasynyń joly kesken, dep habarlaidy ult.kz.
Sondai-aq bir fitozerthananyń qyzmetin toqtatqan.
Arnaiy operatsiialardyń biri Aqtaý qalasynyń áýejaiynda júrgizilgen. Onda denesinde jalpy salmaǵy 1 keli bolatyn 114 apiyn kapsýlasyn alyp ótpek bolǵan sheteldik azamat ustaldy.
Al Astana áýejaiynda Ońtústik Aziia elderiniń birinen 12 keli gashish maiyn jetkizgen qazaqstandyq qolǵa túsken.
Sonymen qatar quqyq qorǵaý organdary «kóknár sabanyn» iri kólemde kontrabandalyq jolmen tasymaldap, taratýmen ainalysqan, sondai-aq osy shikizattan esirtki óndirdi degen kúdikke ilingen turaqty qylmystyq toptyń áreketin toqtatty.
UQK málimetinshe, júrgizilgen sharalar barysynda:
– 3,4 keli apiyn;
– 9 keli gashish;
– 11,4 keli sintetikalyq esirtki;
– 18,5 keli gashish maiy;
– 26,4 keli marihýana;
– 110 gramm kokain;
– 20 tonna kóknár sabany;
– 150 litrden astam prekýrsor tárkilengen.
Atalǵan quqyq buzýshylyqtarǵa qatysy bar degen kúdikpen Qazaqstannyń 23 azamaty men 3 sheteldik ustaldy.
Qazir barlyq fakti boiynsha sotqa deiingi tergeý amaldary júrgizilip jatyr.
UQK Qylmystyq-protsestik kodekstiń 201-babyna sáikes ózge aqparat jariialanbaitynyn málimdedi.
