Shyǵys Qazaqstan oblysynda politsiia qyzmetkerleri internet-alaiaqtardyń arbaýynan 87 jastaǵy zeinetkerdi qutqaryp qaldy. Operativti árekettiń arqasynda qariianyń shamamen 1,4 mln teńgesi saqtalyp qaldy, dep habarlaidy ult.kz.
Polisia.kz jazýynsha, oqiǵa Óskemen qalasynda bolǵan. Belgisiz tulǵalar ózderin quqyq qorǵaý organdary men bank qyzmetkerleri retinde tanystyryp, zeinetkerdi aqshasyn «qaýipsiz shotqa» aýdarýǵa kóndirýge tyrysqan.
Alaiaqtar telefon arqyly sóilesý barysynda egde jastaǵy áielge psihologiialyq qysym kórsetip, qorqytý tásilderin qoldanǵan. Sonyń saldarynan turǵyn iri kólemdegi qarajatynan aiyrylyp qalý qaýpine tap bolǵan.
Alaida Óskemen qalalyq politsiia basqarmasynyń qyzmetkerleri der kezinde aralasyp, alaiaqtyq árekettiń aldyn aldy. Politseiler oqiǵa ornyna jedel jetip, zeinetkerge túsindirý jumystaryn júrgizip, ony sabyrǵa shaqyrǵan. Sonymen qatar tártip saqshylary alaiaqtarmen telefon arqyly bailanysqa shyǵyp, olardyń josparyn júzege asyrýǵa múmkindik bermegen.
Quqyq qorǵaýshylar azamattarǵa bank qyzmetkerleri, politsiia nemese ózge de memlekettik organdar telefon arqyly aqsha aýdarýdy talap etpeitinin eskertedi. Sondai-aq mundai jaǵdaida SMS-kodtar, bank kartasynyń derekteri nemese jeke málimetter suralmaitynyn atap ótti.
Politsiia kúmándi qońyraýlar túsken jaǵdaida áńgimeni birden toqtatyp, quqyq qorǵaý organdaryna habarlasýǵa shaqyrady.
