Almaty oblysynda qaza tapqan er adamnyń týystary qylmystyq istiń babymen kelispei, ony qaita qaraýdy talap etip otyr, dep habarlaidy ult.kz.
Astana arnasynyń jazýynsha, qaiǵyly oqiǵa 23 aqpanda bolǵan. Marqumnyń qyzynyń aitýynsha, ákesi aýyr jaralanǵan sátte kúdikti tarap jedel járdem shaqyrýdyń ornyna, «kelisip alýdy» usynǵan. Keiin er adam Uzynaǵashtaǵy aýrýhanaǵa jetkizilgenimen, qajetti meditsinalyq kómek ýaqytyly kórsetilmegen. Almatyǵa jetkizý kezinde jaǵdaiy kúrt nasharlap, Qalqamandaǵy aýrýhanada kóz jumǵan.
Qazir is «abaisyzda ólimge ákep soqqan qasaqana aýyr dene jaraqatyn keltirý» baby boiynsha tergelip jatyr. Alaida marqumnyń jaqyndary bul bappen kelispeidi.
— Qandai abaisyzdyq? Adamdy kúrektiń ushymen moiyn tusynan urý — jai ǵana jaraqat salý emes. Bul — adam óltirýge baǵyttalǵan áreket, — deidi marqumnyń qyzy.
Almaty oblystyq soty istiń óndiriske qabyldanǵanyn rastady. Negizgi sot otyrysy 21 mamyrǵa belgilengen.
Al Almaty oblysy politsiia departamenti jábirlenýshiniń ólimine ákep soqqan aýyr dene jaraqaty boiynsha sotqa deiingi tergeý júrgizilgenin málimdedi.
Vedomstvonyń resmi ókili Ernar Saidildin kúdiktiniń jedel izdestirý sharalary barysynda ustalyp, sot sanktsiiasymen qamaýǵa alynǵanyn habarlady. Onyń aitýynsha, is materialdary qadaǵalaýshy organmen kelisilip, sotqa joldanǵan.
Qylmystyq is boiynsha túpkilikti sheshimdi sot qabyldaidy.
