Pavlodarda kóligine aǵash butaǵy qulap zaqym kelgen turǵyn qalalyq ákimdikti sotqa berip, isti óz paidasyna sheshti. Sot sheshimi boiynsha jergilikti atqarýshy organ 4 million teńge ótemaqy tóleýge mindetteldi, dep habarlaidy ult.kz.
Oqiǵa 2025 jyldyń qazan aiynda bolǵan. JETOUR X50 avtokóliginiń ústine aǵash butaǵy qulap, kólikke aitarlyqtai materialdyq shyǵyn keltirgen.
Osydan keiin kólik iesi Pavlodar qalasynyń turǵyn úi-kommýnaldyq sharýashylyǵy bólimi men páter ieleri kooperativine qarsy sotqa júgingen. Táýelsiz baǵalaý qorytyndysy keltirilgen shyǵyn kólemin 4 million teńge dep anyqtady.
Sot barysynda aǵash ornalasqan aýmaqtyń ortaq paidalanýdaǵy jer ekeni jáne memlekettik menshikke jatatyny belgili boldy. Sondyqtan jasyl jelekterdi kútip-baptaý mindeti tiisti ýákiletti organǵa júktelgeni anyqtaldy.
— Sot aǵash butaǵynyń qulaýy onyń tiisti deńgeide kútilmegenin kórsetedi degen qorytyndyǵa keldi. Páter ieleri kooperativi bul is boiynsha jaýapker retinde tanylǵan joq, — delingen Pavlodar oblystyq sotynyń habarlamasynda.
Sondai-aq memlekettik organ ókilderiniń aýa raiynyń qolaisyzdyǵy men eskertý jariialanǵanyn alǵa tartqan ýájderi sot tarapynan jaýapkershilikten bosatatyn negiz retinde qabyldanbady.
Birinshi satydaǵy sot talapty tolyq qanaǵattandyryp, ákimdik bólimin 4 million teńge ótemaqy tóleýge mindettedi. Apelliatsiialyq sot bul sheshimdi ózgerissiz qaldyrdy.
