پاۆلوداردا كٶلٸگٸنە اعاش بۇتاعى قۇلاپ زاقىم كەلگەن تۇرعىن قالالىق ەكٸمدٸكتٸ سوتقا بەرٸپ, ٸستٸ ٶز پايداسىنا شەشتٸ. سوت شەشٸمٸ بويىنشا جەرگٸلٸكتٸ اتقارۋشى ورگان 4 ميلليون تەڭگە ٶتەماقى تٶلەۋگە مٸندەتتەلدٸ, دەپ حابارلايدى ult.kz.
وقيعا 2025 جىلدىڭ قازان ايىندا بولعان. JETOUR X50 اۆتوكٶلٸگٸنٸڭ ٷستٸنە اعاش بۇتاعى قۇلاپ, كٶلٸككە ايتارلىقتاي ماتەريالدىق شىعىن كەلتٸرگەن.
وسىدان كەيٸن كٶلٸك يەسٸ پاۆلودار قالاسىنىڭ تۇرعىن ٷي-كوممۋنالدىق شارۋاشىلىعى بٶلٸمٸ مەن پەتەر يەلەرٸ كووپەراتيۆٸنە قارسى سوتقا جٷگٸنگەن. تەۋەلسٸز باعالاۋ قورىتىندىسى كەلتٸرٸلگەن شىعىن كٶلەمٸن 4 ميلليون تەڭگە دەپ انىقتادى.
سوت بارىسىندا اعاش ورنالاسقان اۋماقتىڭ ورتاق پايدالانۋداعى جەر ەكەنٸ جەنە مەملەكەتتٸك مەنشٸككە جاتاتىنى بەلگٸلٸ بولدى. سوندىقتان جاسىل جەلەكتەردٸ كٷتٸپ-باپتاۋ مٸندەتٸ تيٸستٸ ۋەكٸلەتتٸ ورگانعا جٷكتەلگەنٸ انىقتالدى.
— سوت اعاش بۇتاعىنىڭ قۇلاۋى ونىڭ تيٸستٸ دەڭگەيدە كٷتٸلمەگەنٸن كٶرسەتەدٸ دەگەن قورىتىندىعا كەلدٸ. پەتەر يەلەرٸ كووپەراتيۆٸ بۇل ٸس بويىنشا جاۋاپكەر رەتٸندە تانىلعان جوق, — دەلٸنگەن پاۆلودار وبلىستىق سوتىنىڭ حابارلاماسىندا.
سونداي-اق مەملەكەتتٸك ورگان ٶكٸلدەرٸنٸڭ اۋا رايىنىڭ قولايسىزدىعى مەن ەسكەرتۋ جارييالانعانىن العا تارتقان ۋەجدەرٸ سوت تاراپىنان جاۋاپكەرشٸلٸكتەن بوساتاتىن نەگٸز رەتٸندە قابىلدانبادى.
بٸرٸنشٸ ساتىداعى سوت تالاپتى تولىق قاناعاتتاندىرىپ, ەكٸمدٸك بٶلٸمٸن 4 ميلليون تەڭگە ٶتەماقى تٶلەۋگە مٸندەتتەدٸ. اپەللياتسييالىق سوت بۇل شەشٸمدٸ ٶزگەرٸسسٸز قالدىردى.
