Alataý qalasyna jalpy quny 2 trillion teńgege jýyq investitsiia tartylyp, 50-den astam iri joba júzege asyrylady, dep habarlaidy ult.kz.
Bul týraly Alataý qalasynyń ákimi Arken Ótenov Memleket basshysynyń Alatau City jobasyna qatysty tapsyrmalaryn oryndaý barysyna arnalǵan baspasóz konferentsiiasynda málimdedi.
Ákimniń aitýynsha, qazirgi tańda investitsiialyq jobalardyń basym bóligi ártúrli iske asyrý kezeńinde tur. Sonymen qatar, negizgi basymdyq infraqurylymdy damytýǵa berilip otyr.
— Infraqurylymdy damytý úshin quny 300 milliard teńgeni quraityn arnaiy jol kartasy qabyldandy. Soǵan sáikes qalada júieli jumystar júrgizilip jatyr, — dedi Arken Ótenov.
