الاتاۋ قالاسىنا جالپى قۇنى 2 تريلليون تەڭگەگە جۋىق ينۆەستيتسييا تارتىلىپ, 50-دەن استام ٸرٸ جوبا جٷزەگە اسىرىلادى, دەپ حابارلايدى ult.kz.
بۇل تۋرالى الاتاۋ قالاسىنىڭ ەكٸمٸ اركەن ٶتەنوۆ مەملەكەت باسشىسىنىڭ Alatau City جوباسىنا قاتىستى تاپسىرمالارىن ورىنداۋ بارىسىنا ارنالعان باسپاسٶز كونفەرەنتسيياسىندا مەلٸمدەدٸ.
ەكٸمنٸڭ ايتۋىنشا, قازٸرگٸ تاڭدا ينۆەستيتسييالىق جوبالاردىڭ باسىم بٶلٸگٸ ەرتٷرلٸ ٸسكە اسىرۋ كەزەڭٸندە تۇر. سونىمەن قاتار, نەگٸزگٸ باسىمدىق ينفراقۇرىلىمدى دامىتۋعا بەرٸلٸپ وتىر.
— ينفراقۇرىلىمدى دامىتۋ ٷشٸن قۇنى 300 ميلليارد تەڭگەنٸ قۇرايتىن ارنايى جول كارتاسى قابىلداندى. سوعان سەيكەس قالادا جٷيەلٸ جۇمىستار جٷرگٸزٸلٸپ جاتىر, — دەدٸ اركەن ٶتەنوۆ.
