#
#
Дүйсенбі 24/09/2018

Баянның əкесі қызын cынағандарға жауап берді

  • 04.01.2018
  • 64
  • 61942

Ұлт порталының поштасына танымал продюсер Баян Есентаеваның әкесі - тарихшы, түрколог, мәдениеттанушы Мақсат Мұхитденов мырзадан хат келіпті. Хаттың толық мәтінін сауатты ой-пікір еркіндігінің көрінісі болсын деп, айна-қатесіз жариялап отырмыз. Осы орайда, редакция ешқандай тараптың позициясын ұстанбайтынын ескертеміз. Ендеше, мархабат!

редакциядан

Кеше фэйсбукта Сұлтан Қадір  деген  замандасым Ф.Раневскаяның  «Под  самым красивым  хвостом павлина скрывается самая обычная  куриная  жопа.  Так что меньше  пафоса, господа» -  деген, мәтел  болып  кеткен  сөздерін  келтіріпті. Осы пайымдауға Нұрболат Хайруллаев бауырымыздың жазғаны: «Фаина апамыз жақсы айтқан екен, шындығында әдеміліктің шынары болып жүрген адамдардың қарапайым пенде, құдайдың құлы екендігі  рас  қой». Сұлтан Қадір: - «Әдемілік ол - әдемілік... Мені қынжылтатыны - өрекпе сөз, даңғой тұжырым», - деп жауап қатыпты. 

Бұл қалай басталып еді...

Анар  Төлеухан. 31. 12. 2017.

Құрметті достар! Өздеріңізге арналған 100 тілектің орындалуына дұға ете отыра ұлттық жауһар "Қозы-Көрпеш-Баян сұлу" жырына жасалған қиянатқа қарсы жұмылған жұдырықтай қимылдарыңызға разы болып, Аллаға мың мəртебе тəубе айтып отырмын. Ерлан Қарин хикаяттың енді көрсетілмейтінін айтыпты. Төсекте жатып жазу оңайға түспесе де, шыдауға мүмкін болмай пост жазып едім, қолдап кеткен əріптестердің арқасында ашық хат жарық көрді. Бақыт Жаншаева ханым Гүлмәрия Барманбекова екеуміздің арамызды жалғап, Гүлекең ойды қорытып, мəтінді жазып шығып, өзімізбен үндес деген адамдар екені анық деп Өмірзақ Ақжігіт пен Жолымбет Мәкішті қостық емес пе, құдай ұрғанда Шара Турмаганбетова сол алғашқы тізімге ілікпей де қалыпты. Бірақ Шəкең деген жасын ғой, жарқ етіп алғашқы болып қол қойды. Қазыбек Иса қуаттап, "сайтқа жариялайық" деп халықтық үн қуат алып, өздеріңіздің жанашырлықтарыңыздың арқасында қисық кетіп бара жатқан көш бетін түзулепті. Қуаныш қой бұл. Біздің үніміз жерде қалмады. Ерлігі жетіп мойындай алған Ерлан Каринге де респект!

Келер жылда да ауызбірлігіміз, ұлттық құндылықтарға деген жанашырлығымыз осыдан артпаса, кемімесін. Жаңа жыл құтты болсын!

Бұл  қалай басталып  еді дегенде, Мен - Мақсат Зайлағиұлы Мұхитденов. Жасым 71-де, руым - Кіші Жүз, Масқар. Кейінірек  аттары  аталатын - үндес, ауызбірлігі құрыш, ой  қорыта алатын, сайтқа  жариялай алатын адамдардың суқаны сүймейтін - Баянның әкесімін. Баянның анасы, 51 жыл отасқан жарым - Күлжамал. Жасы 69-да, руы - Арғын, оның ішінде Тобықты. Байлығым 5 мыңға таман кітәп, фонотекамда бір мыңнан аса күй, бір  мыңнан  аса ән, термелер, бүкіл  дерлік европа классикасы бар. Баян осы атмосферада өсті, сондықтан кейде ешкі апа бола  алады, ал жездең теке деген түсінік жоқ. ”Әке - балаға сыншы”, сондықтан да “Алаш” сыйлығының иегерінен өресі әлдеқайда жоғары. Айтпақшы, кітапханамда Қазыбек  ақынның шығармалары жоқ, бірақ тауып бір екі кітәбімен танысып шығып, “Алаштың” ауылы жырақ екенін түсіндім, сірә мына Баянмен болған жағдайдай ауызбіршіліктің, ұлттық  құндылықтарға деген жанашырлықтың арқасында, қисық кетіп бара жатқан көш - “Алаш” елді мекеніне тұрақтаған сыңайлы. Хош, енді төсекте жатса да ”Қозы Көрпеш-Баян сұлу” эпосына жасалған қиянатқа шыдай алмай пост жазған Анар Төлеухан қызына келейік. Анар ханым  дейін  десем, “ханым” тек  қана  ханда болар-ды. Анар бике, Анар бикеш дейін  десем,  ауырып  қалыпсыз, жастар ауырмайды  ғой, Анар бише дейін десем, жұбайыңыз - күмән, байда ғана бише болады (бәйбіше/байбише). Сондықтан да Анар Төлеуханқызы “Әліпті таяқ  деп  білетін” - сіз екенсіз. Барлығы сізден  басталған  екен  дегенім  ғой. Құдай  қолдап Бақыт Жаншаева ханым Гүлмәрия Барманбекова екеуіңіздің  араңызды жалғап, Гүлекең ойды қорытып, мəтінді жазып шығып, өзіңізбен үндес адамдар екені анық деп Өмірзақ Ақжігіт пен Жолымбет Мәкішті қосып, құдай ұрғанда Шара Турмаганбетова сол алғашқы тізімге ілікпей де қалыпты. Бірақ Шəкең деген жасын ғой, жарқ етіп алғашқы болып қол қойыпты. Қазыбек Иса қуаттап сайтқа жариялайық деп халықтық үн қуат алып, "лидерство", көшбасшылық Қазыбек  Исаға өтіп кетіпті.

 

Қазыбек Иса: Раxмет сіздерге Анар Төлеуханқызы, Гүлмәрия Барманбекова, Бақыт Жаншаева xанымдар! Алла жар болып, Жұлдыздарыңыз жарқырай берсін! Жаңа жыл жақсылықтар жылы болсын!

Аянышты-ақ! Анар  Төлеухан  қызы, журналистсіз  ғой, ендеше, біліп  қойыңыз, ешкім “Қозы Көрпеш-Баян сұлу” эпосына қиянат жасаған жоқ. Бұл эпостың 12-15 шақты нұсқалары болса  керек, башқұрт, алтай  тіліндегілерді санамағанда. Менің  өзімде 8 варианты бар. Сол  варианттардың негізінде “Қозы Көрпеш-Баян сұлу“ деген 6 сериялық телесериал түсірілді. Ал эпостарға қиянат жасау үшін оларды білмеу керек. Фильмнің сценариін жазған адам жырдың варианттарын білмеді  деп айта  алмаймын.

Меніңше, біреуді нақақтан-нақақ  күйдірмеу үшін, айтып  тұрған  адам  сауатты  болу  керек, нағыз ақиқатына  жүгінсек, кітәп оқуы  керек. Гүлмәрия Барманбекова, міне сіздің сөзіңіз: “Баянның  аузына “Қодарға  тимеймін, әке-шешемнің өзі тиіп алсын” деген сөз салыпты. Ал оригиналға келсек: ”Етегімді  жел ашып  жүрген  емен, Қозыкеден  басқаға  күлген  емен. Әке  неке  қи  дағы тіке  өзің  ал, Елден  бура  салғандай інген емен. Әке, неке қи дағы тіке  өзің ал, Елден айғыр салғандай байтал емен”. Бабалар  сөзі. “Қозы  Көрпеш – Баян  сұлу”. Молла Рахым  нұсқасы. 127 бет. Ал шындық  қайда  жатыр – жырды ардагер журналист біле ме, әлде  сценарист біле ме?! “Қуырдақтың  көкесін – түйе  сойғанда көресің”. Бұл пайымдаулар журналист Анар Төлеуханқызына тиесілі. Бірақ сол Сұлтан  Қадір  замандасым  айтқан “өрекпе  сөз, даңғой  тұжырым»: “Қарабайдың алдында ұзын шапандарына сүрінген мауыздай 3 еркек ойбайлап жатыр. Отардан 5-6 қой ұрланыпты. Кəріне мінген бай үшеуін де ұрып-соғып, тауып орны толтырылмаса, ақысын өнідіретінін айтып сабап жатыр. О заманда, бұ заман бір отар қойды 3 адам бағып, қой алдырғанын кім естіген? Ал осы жерде Баян əкесіне сөйлейді. «Өздері өлейін деп жүрген жалаңаяқ кедейдің қай малын алмақсың?» Бойжеткен қыздың əкесіне емес, мыңғыртып мал айдатқан бай баласына ойын өктем жеткізетін бір елдің анасы - үлкен ақыл иесі бəйбішенің, оралымды ойына маңындағы жұрттың тыныштығы бірінші оралғанда шеше ғана көп көзінше тіліп айтар сөз. Баянның сөзі деп тыңдай алмайсың. Ол аздай «ұрыларды артынан қуып, тартып алу керек» деп өңмеңдеп, əкесін тыңдамай атқа қонып, тасырлап, жолындағысын жапырып, үлкен-кішіні жасына қарап айырмайтын, ат төсімен кімді де болса қағар есерлеу, əкесіне түйеден түскендей қатты сөйлеген бейəдеп Баян мен жырдағы Баян арасын салыстыра ойлаудың өзі күнəдай”.

Құрметті Анар Төлеуханқызы, Қарабайдың қандай қатігез адам екені туралы айтудың  қажеті  жоқ, ал  бір  отар  қойды  үш  адамның  бағуы фантастика  жанрынан емес, тіпті  о заман  да  бұ заман  да  емес, күні  кеше бір  отар қойды бір жанұя болып баққан жоқ па! Ал “кинодағы - әкесін  тыңдамайтын, өңмендегіш, үлкен-кішіні айырмайтын, есерлеу, бейәдеп Баян мен жырдағы Баян арасын салыстыра ойлаудың өзі - күнәдай” - депсіз. ”Күнәдай” болмасын салыстырып көрейік.

 Біріншіден Баян байдың  жалғыз  қызы (детсад  тәмәм).  

«Баянды  еркеш  дейді, аты - Еркеш, Көп  қойды бастайтұғын көсем серкеш. «Қозы Көрпеш – Баян сұлу”. Бекмұрат  Мақанов  нұсқасы. Бабалар  сөзі. 55 том. 214бет.

“Баянды Еркеш дейді еркелетіп, Кигені - кәмшәт бөрік, күміс етік”. «Қозы Көрпеш – Баян  сұлу”. Бекмұрат  Мақанов  нұсқасы. Бабалар  сөзі. 55 том. 223 бет.

Екінші, бейәдеп Баянның әкесімен арадағы диалогты қараңыз. “Жүк түсіріп, үй тігіп  жатқанында, жүгіріп  Қарабайға  Баян  келді. Әке бір дерт жабысты  маған, - деді, Шығарғалы  келіп ем  саған, - деді. Ішім  толып  барады қайғы-дертке, Дерттің емін тауып  бер маған, - деді. Балам-ау, не дерт  саған болды, - деді, Дерт  жабысты дегенің жаман, - деді. Қыз бала қонбай қырға  шықпас  болар, Дертіңнің  мәнісін  айт маған, - деді. Тазшаның  қиуадан табылғаны, Қой жусап ойпаң жерге аңырғаны. Қой өңгеріп санымнан шымшып  алды, Тазшаның шымшығаны не қылғаны? “Қозы Көрпеш-Баян сұлу” Дәндібай Айтбаев  нұсқасы. Бабалар  сөзі. 55 том .41 бет.

Үшіншісі тіпті кинодағыдан  да асып  кетті. Баян қанішер. “ Қара  күңнің көргенін Баян  білді, Ұйқылы – ояу сескеніп  тұра  келді. «Барып әке – шешеме айта ма» деп, Сезіктеніп бұл  күңді өлтіреді. Қоңқабай Мейірманұлы нұсқасы. Бабалар  сөзі. 55 том.  172 бет.

Құрметті, Анар Төлеуханқызы, мына  дәлелдерден  кейін жырдағы Баян  мен кинодағы  Баянды шатастырып алғаныңыз үшін «Қозы-Көрпеш» телесериалын түсіргендерден кешірім сұрайды-ау деген жаман  ойым болып  тұр. Жаныңызға Иса ғ.с. мен Барманбекованы ертіп алғаныңыз дұрыс  болар  еді.

Хош. Енді  ардагер  журналист Барманбековаға  көшейік: - «Немесе мына бір тұсқа назар аударыңыз: «Құшағына өзі келіп құлаған қыздан бас тартатын қандай жігітсің?». Сериалдағы жігітке өзі асылған қыздың сөзі… Ардагер  Барманбекова  эпостың бұл  беті  де  сіз  үшін  құпия  екен, таңқалып  тұрсыз ғой. Ұйықтап жатқан Қозының  жанына  келіп Баянның  айтқан  сөзі: ”Жалғызым, мен қасыңа  келіп  тұрмын, Көңлімді  шыныменен  беріп  тұрмын. Жапанға  жалғыз біткен сен бір шынар,  Құлын-тайдай айқаспай болдым  құмар”. Бабалар  сөзі. “Қозы  Көрпеш – Баян  сұлу” Дәндібай Айтбаев  нұсқасы. 58 бет. Сценаристтің, журналисттерге  қарағанда (Ау, журналшы  бауырларым, барлығыңыз  туралы  айтып  тұрған  жоқпын, тек  қана  аттары  аталып, түстері  түстеліп  тұрғандар  туралы М.Б.) эпостан  хабары  барлығының тағы да куәсі  болып отырмыз! 

Барманбековадан: «Сен бақытты болуға тиістісің» дейді, Баянды шығарып салып тұрып анасы. О заман да бұ заман, қазақ анасы кетіп бара жатқан қызына бұлай сөйлемеген, «Бір Аллаға тапсырдым», «Жаратқан Ием жар болсын», «Барған жеріңде бағың ашылсын» деген. Ал мынау барған жерін бақытты ететін емес, барған жеріне бақыт іздеп баратын, тәрбиесі кеміс ананың айтатын  сөзі». О заман  да  бұ  заман, сіз өзіңіз  айтып  тұрсыз «Барған  жерде бағың  ашылсын» дейді деп. Сонда  не мына  кинодағы «тәрбиесі кеміс ана» кетіп  бара  жатқан  қызына «сен барған  жеріңде бақытты  болуға  тиісті емессің» деп  айтуы керек пе?! Логикамен дос болу керек ардагер, журналист. Және тағы айтарым "бақ", "бақыт" ұғымы  бүкіл  алтай  тілдері  аумағына таралған  ұғым, тіпті  корей  тілінде де бар, олар «пак» дейді. Ондай ұғым сол кезде де болғанының куәсі деп санаңыз: - “Ей, байым, саған берді мал  менен  бақ,  Жаратқан баршамызды бір жалғыз  Хақ”. Бабалар  сөзі “Қозы  Көрпеш-Баян сұлу”. Дәндібай Айтбаев нұсқасы. 55 том. 58 бет.

Максат Байлы. Біздің заманымызға дейінгі V ғасыр. Қозы Көрпеш-Баян Сұлу уақиғасы бейнеленген деген тұжырымдар бар. (Академик Граков, Академик Марғұланнан).

Барманбековадан: «Шығарманың тілі жұтаң, әдептен жұрдай, сол заманның сөз саптасын, психологиясын бере алмаған, керісінше ұлттық әдет-ғұрыпты  мансұқтаған тұстар жетіп  артылады». Мен сізге  былай  айтамын, «әдептен  жұрдай  ма» сол тұсын көрсетіңіз, «сол заманның психологиясын, сөз саптасын» да көрсетуге  міндеттісіз (Ол өте қиын. Базар  жырау айтып  кеткен: «Әр  заманның  өзіне ылайықты саз  болар». М.Б), «ұлттық әдет-ғұрыпты мансұқтаған тұстары жетіп (тіпті) артылады» сын да аямай, құйырығынан ұстап, «міне - жау» десеңіз ғана кейбіреулер сенуі мүмкін, ал бұлжымас сенімге ие болу үшін тер төгілу керек , ал басқаша болса, сол Сұлтан Қадір айтқан «өрекпе сөз, даңғой тұжырым».

Гүлмәрия  Барманбекова. «Қозы Көрпеш-Баян сұлу» сериалындағы Баян рөлін ойнаған қыздың болмыс-бітіміне байланысты әлеуметтік желідегі көпшіліктің сынына Ереке деген бір бауырымыз мынандай пікір қалдырыпты: «…сұлулық стандартын орнатуға ешкімнің құқығы жоқ. Фильмге түскен қыздың түр-әлпетін плинтустан төмен түсіріп, мұндай пост жазғаныңыз жиіркенішті! Баян сұлуды өз көзіңізбен көрген сияқты сөйлеу не нәрсе бұл… Шетелге ұят демей-ақ қояйық, шетел біздің эпостар тұрмақ қазақ елі бар екенін енді естіп  жатыр». Гүлмәрия  Барманбекова, болмыс  бітімге  байланысты көпшіліктің  сыны  емес, сіздің жеке  сыныңызға  қарсы  айтылған Ерекенің  пікірі  болатын және де  әділетті пікір  еді. Сіз -  журналистсіз, ардагер  журналистсіз, кинода Баянның ролін сомдаған  актрисаны  қайта – қайта  қорлауға құқық  берген  кім? Журналистік  этика  деген деген  ұғым  бар емес пе?  Келтіре  кетейін «… Санасы жалаңаш, жанары ойсыз, әдептен жұрдай, бетің бар жүзің бар демей, орынсыз ауызекі тілмен сөйлей  салатын, жалғап алған жасанды кірпігі жалпылдап, тасыраңдаған таңқы танау қара қыз - сериалдағы Баян осындай».

О, пірім-ай! Араша! Бұл ардагердің  айтатын сөзі  ме! «Әкесін сабағанды  көріп едік, бірақ  арбаға байлап сабаудың» кері болып тұр емес пе! Тағы да келтіре кетейін, бұл алдында  айтып кеткен, актрисаға жанашырлық танытқан Ереке деген жігітке қайтарған қарымтаңыздан: «Бірақ сол сен айтып отырған шетелің ендігі жерде қазақ деген халықтың сұлулық жайлы талғамының тым биікте жатқанын біле жүруі тиіс! Қазақтың нарқасқа жігіттерін таңқылдырған таңқы мұрын тәмпік қыздарға көзінің қырын да салмаған”. Ардагер  журналист Гүлмәрия Барманбекова сіздің  теңеулеріңіз, адамның  жеке  басын қорлау деп  саналып  заң  жүзінде сарапталуы  да  мүмкін. Оған  да  бара  алатынымды  ескертемін.

Хош, енді барлық  пәле  менің  қызым  Баяннан екеніне  иманындай  сенетін Қазыбек мырзаға  келейік. "Бауырым"  деп  айта  алмаймын, оған себеп  көп, тіпті түріңізден де  көріп тұрмын бауыр емес екендігімді. Өкпелемеңіз, өзекжардымызды мәймөңкелемей бетке айтатын тұқымнанбыз. Сізге Баян соншама не істеді? Бір емес, екі  емес «Қазақ  үні» деген гәзитіңіз Баянды популизация/пиар  жасауда алдына  қара  салмай  келеді, «Баянның  ботқа  шоуы ма, тағы  да  басқа әдемі, жүрекке жылы тиетін атаулармен». Ал осы жолы тіпті  ерледіңіз! Оңай емес қой, «Баянға  Баянды қорлатпаймыз, Баян  руханиятымызды өшіруде» деп  ұрандатып  тұрған, өзіңіз  бүгін  ғана мақтанғандай, үш  жүз  қол  жинау, жол болсын!. Бірақ  рахметімді де  айтып  кетейін, Баянда бүгін екі миллион тоғыз  жүз мың подписчик  бар еді, мына сіздің қазақ руханияты үшін жанқиярлықпен, талмай істеп жатқан делдалдығыңыздың арқасында, ертең үш миллион бес жүз мың подписчик болатынына сенімім  мол. 

Хош енді сарапшысымақтардың таза өтірік, жала жабуларына көшейік. «Соншама жұпыны киімдерге, қарай отырып…» Сіз, Г. Барманбекова «соншама  жұпыны киімдерді»  қайдан  көрдіңіз, қай персонаждың  үстінен. Баяннан  ба, Қозыдан ба, Қарабайдан ба, Қарабайдың  бәйібшесінен бе, Талшыннан ба, Қодардан ба, қарақшылардан ба… Осылай соза беруге  болады. Қаламыңызға ие болсаңыз, Г.Барманбекова. «Шаңы бұрқыраған тұрпайы көріністер» депсіз. Кино Асы  жайлауында  түсірілді, қайдағы «бұрқыраған  шаң», қандай «тұрпайы  көріністер» болуы мүмкін, ақ  шаңқан киіз  үйлер, байдың  үйінің  интерьері, өрнектелген сандықтар, жүкаяқ, кілемдер мен киіздер, тұскиіздер, ауыл өзеннің  жағасында  орналасқан, биік сарқырама. Г. Барманбекова: «бір кездері жер бетінде мал соңында тентіреп, тілім-тілім боп көшіп-қонып жүрген, эстетикалық, этикалық тәрбиеден жұрдай қазақ деген халық болған екен-ау, мына сериалды түсірушілер болмаса, бұл «жаңалықтан» мақрұм қалмақ екенбіз-ау деп  ойлауға  мәжбүр  боласың». Г. Барманбекова осы киноның «мал соңында  тентіреп, тілім-тілім  боп көшіп-қонып жүрген, эстетикалық, этикалық тәрбиеден жұрдай қазақ деген халықты» қай жерінен көрдіңіз. Таңым бар, бұл фильмнің «сараптамасына» сұраныс бергендер неге сценарийден де, режиссурадан да, кинода 200 адам массовкаға шақыртылғанынан да, 100 жылқы, 500 қойға тапсырыс берілгендігінен де, 20 каскадер шақыртылғандығынан да, каскадерлардың аттары да цирктен әдейі алдырылатынан да, киноөндірістен  де, видеооператордың  жұмысынан да, эпостың варианттары болатынан  да, актерлердің ойынынан да, дикциядан да, киномузыкадан да ешқандай хабары жоқ адамдарға тапсырыс береді екен?!

Шаршатты, болдым...

Мақсат Мұхитденов, 

тарихшы, түрколог, мәдениеттанушы

04.01.2018 ж.

Ұқсас жазба:   Көпен Әмірбек даулы сериалға қатысты пікір білдірді

Баян Есентаеваның жағдайы қазақ әйелдерінің қорғансыз екенін дәлелдеді

64 пікір

  • QaharЖұма, 05.01.2018

    Не жазған? Мынаны түсініп оқу мүмкін емес қой. Осындай шатпақтарды неге шығарасыңдар?

  • Гүл-гүлЖұма, 05.01.2018

    Әдемі жазылған. Бұны түсіну үшін терең ой, білім қажет, сауат болу керек. Жарайсыз!!!

  • қазақЖұма, 05.01.2018

    Осы Баяннан басқа тема жоқ па ? Әлде Баян қазақ қыздарына үлгі бола ала ма ? Қазақша сызбайтын Баян мықты режиссер бола ала ма ?

  • АйданаЖұма, 05.01.2018

    Баянның өзі тапсырыспен жаздырып, астына әкесінің атын қоя салғаны тайға таңба басқандай көрініп тұр. Не болған күнде де, жырдың классикалық нұсқасын алу керек еді...

  • КуатайнЖұма, 05.01.2018

    Сауатты жазылған, не де болса! Ақтап аларлықтай еңбектерден мысалдар да терілген екен,дегенмен, xалық айтса,қалып айтпайды ғой.

  • Гулжан Жұма, 05.01.2018

    Накты тамаша жеткизилген!Билимди адамнын жазганы коринип тур!бирнеше кун ойлап журген ойымды жеткиздиниз!Аллах денсаулык берсин сизге Максат ага

  • Саида Жұма, 05.01.2018

    Өте саУатты,пікір білдірербін алдында мән-жайдын барлығын біліп алу керек!!!!

  • СандуғашЖұма, 05.01.2018

    "Баяннан басқа әңгіме жоқ па? " ,- деп айтатындардың өзі Баянды оқиды, сол туралы пікір жазады?! Тапсырыс беріп жаздыртатындай оны соншалықты ақымақ, надан санап отырған адамдарға күлкім келеді! Шынымен өте нақты жазылған! Осы дәлелден кейін қандай сылтау іздеп табады екен деп ойлап едім, енді міне тапсырыспен жазылған дейді.. Өте әдемі түсірілген сериал !! Оны түсіну үшін шынымен ең алдымен кітапты оқу керек (барлық нұсқасын) одан кейін барып сын айтқан дұрыс болар!!! Қазақтың Баяны - Баянды керемет түсірген !!!

  • ӘлияЖұма, 05.01.2018

    Қайран қазағым ау.....Шатпақ деп жазыпты, бұл шатпақты түсіну білу де бір тәрбие,білім ғой, санасы төмен, ойы тайыз адам түсінбейді. Біреуді сынамас бұрын, өздерің соның жасағанын жасасандар ғой, Баян Мақсатқызының кінәсі бақытты болғысы келгенінде ме? Бір-бірімізді көре алмай,аяқтан шауымызды қашан қоямыз???? Өте сауатты,білімді адамның жазғаны, мен толықтай келісемін.

  • ЗульфияЖұма, 05.01.2018

    Ақтап алды-ау дим....

  • Damikon Жұма, 05.01.2018

    "Өзекжардымызды мәймөңкелемей бетке айтатын тұқымнанбыз" дегені қанымды ойнатып, жаныма жағып кетті ғой дисн :)

  • Нұршашқан Жұма, 05.01.2018

    Өте жақсы,сауатты жазылған.Дəлелдерде нақты келтірілген.Жарайсыз

  • Ақмоншақ ҚанайқызыЖұма, 05.01.2018

    Жарайсыз, өте керемет! Барлық дəлелдерімен!! Көре алмағандардың іші күйсін!

  • ГаухарСенбі, 06.01.2018

    Әкесінің сауаты керемет терең екен! Бірақ қызын неге қазақша сайратпаған?! Не де болса жетеріне жеткізіп ақтапты қызын.

  • АсемСенбі, 06.01.2018

    Оте керемет жазылган!!! Мине, Баян нагыз тарихта калатын тулга (Баян Максаткызы). Бир айел адамда соншама касиет, онер бар. Актриса, продюсер, теле жургизуши, озинин китабы жарык корди итд. Бул ангимелердин бари оны кореалмаушылык. Бул адамдар биринши оздери осындай сериал немесе фильм тусирип корсин. Сол кезде корер едик кимнин кино тусируге сауаты жок екенин.

  • МатайСенбі, 06.01.2018

    Өте сауатты, ақтап аларлықтай. Дегенмен..., бізге жастайымыздан "Қозы Көрпеш-Баян Сұлу" эпосын басқа жағынан оқытып үйреткеннен кейін, бұл сериалдағы кейбір жерлері біз үшін дөрекілеу. Менің жеке пікірім.

  • Алмагуль МараткызыСенбі, 06.01.2018

    Неси тусиниксиз? Оте керемет жазылган!! Былапыштаган создерден осындай адеми адеби тилмен жазылганды сауатсыз адам гана тусине алмайт. Сериал Оте жаксы тусирилген. Сол заманда омир сурип корип па единдер бирдене деп сын айтатындай. Баянга сын айткандар Баяннын денгейине жете алмаган адамдар деп те ойлауга болат. Коре алмаушылык. Бирак соз бар гой казакка не истесенде жакпайсын!!!

  • МеруертСенбі, 06.01.2018

    Өте сауатты жазылған! Бұны түсіну үшін де терең ой мен білім керек!

  • Жазира Адай кызСенбі, 06.01.2018

    (казакша шрифт жок!) Оте сауатты, орынды жауап кайтарылган екен! Толыктай косыламын! Алдымен Баян Максаткызынын жеткен жетистигине жетип алу керек, онын озин жане шыгармашылыгына сын айту ушин. Мына бес кун жалганда неге бир биримизи сыйлап отпеске... эх, казагым, не болып барамыз ози...

  • Молдир ЕрназароваСенбі, 06.01.2018

    Булай жазу үшін улкен сауат, билим кажет.Баяннын бундай акеси барын билмеппин.Узак жасаныз ата.Артынызда тарих билмей, сауат ашпай, билим кумай, сиясын шимайлайтын урпагын осип келе жатканына журегиниз ауыраты болар.Амал не, оте окиништи.

  • Айза АлашаСенбі, 06.01.2018

    Барлығы көреалмаушылық,дәл осы сериялды басқа біреу түсірсе мүмкін дауда болмас еді мүлде.Неге қазіргі мәні де сапасы да жоқ сериялдарды айтпасқа,оның жас ұрпаққа жемқорлық,отбасылық дау т.Басқа дымда тәлім жоқ(егерде сол оқиғаларды көріп бұлай істемеу керек екен деп ойласа әрине,көп жағдайда дайын оқиға миға түп нұсқада қалып қояды емеспе)

  • ЛəйлəСенбі, 06.01.2018

    Біреу жақсы десе жақсы жаман десе жаман деп жабыла қостайсыңдар өздеріңнің ойларыңды жазуға қорқасыңдарма .Қозы Көрпеш Баян сұлу сериалы қазақты мазақ қылп төмендету үшін шығарған сияқты.Түріктің сериалдары Ертұғрыл Сүлеймен сұлтан туралы өздерін көтереді ал біздікілер мазақ етіп қазақты одан ары төмендетеді ешқандай тəрбиелік рух көтеретіндей мəні жоқ сылдыр су бірдеңелерді түсріп халықтың ақшасын шашқан.

  • ЕнликСенбі, 06.01.2018

    Оте дурыс жазылган, далелдери де тура, негизи, шынында казах жырларында, казах китаптарда тил оте анайы, биртурли суреттемелер коп кездеседи... Максат мырза да, корермендер де тусинип отыр гой, ‘барлык бале Баян Алагузовада’ екенин... Баян ханым не истесе де катырып истейди, журегимен берилип, намысымен алып шыгады, мен Баян ханымнын бойынан орыстилдиликтен баска ешкандай кемшилик таба алмаймын осы, бирак онын озинде де осы кисинин кол астындагы жеке аншилер де, группалар да тек казах тилинде ан айтады, сондыктан онын ози улкен плюс!!! Адамнын жеке омирине араласа бермей, енбекти ТАЗА, Енбек деп багалау керек кой!!!

  • ҚазақСенбі, 06.01.2018

    Мына Ақсақал қызын неге қазақша сөйлеуды үйретпеген екен? Журналистерге ұрса отырып өзінің қызыныңда қандай журналист екенын қарамайма? Қызы байының көзін бақрайтып қойып басқа біреудің байының қойнына жатып алғанын жазбадыма?

  • Сенбі, 06.01.2018

  • RasСенбі, 06.01.2018

    Қызының сұры құрсын! Үятсыз, арсыз!

  • ОйбуСенбі, 06.01.2018

    Қызына ақыл үйретпеген екен.... Шошаңдап жургены, қырықтан асқан қатын .... Акесы қызын ақтаймын деп, біраз көзінің майын аямай жазған екен, бірақ ондай қызды ақтауға көздің май емес, түйенің өркешінің майын төкседе жетпейдау....Құдай сақтасын.....Қызына ақыл айтпайма?!

  • Ой пырымайСенбі, 06.01.2018

    Ойбу масқара! Елге күлкі болдығой мыналар.......

  • Қарапайым қазақСенбі, 06.01.2018

    Қызы елдің құлағын шулатып еды, енді акесы шыққанба?
    "Өзекжардымызды мәймөңкелемей бетке айтатын тұқымнанбыз" депқоядығой, олай болса, басқаныңда сөзін бетине қабылдау білу керек , тек біржақы оттамай!
    Қызына тəрбие бермеген, қайта қызына қой деудың орнына, енды кеп елге сөз көбейтып не істеп жұр адасып мына қарт?

  • МаржанСенбі, 06.01.2018

    Жақсы жазған екенсіз аға! Мақаланы оқып, қазіргі журналистерге сене беруге болмайтынына көзім жетті(көпке топырақ шашпаймын, дегенмен копшілігі). Енді ғана Қазақстанда жаксы кинолар түсіріп бастапты ғой деп жүргенде, керітартпалар көбейіп келеді, өкінішті....
    Баян Мақсатқызына сәттілік, қасына жақсы адамдардың көбеюін тілеймін!

  • ИндираСенбі, 06.01.2018

    Максат ага сиздин ойыныз оте дурыс жаздыныз, барлыгын далелдеп шыктыныз! Жеке оз басыма келсек, маган сериал катты унады, алгысым шексиз!!! Баян Максаткызы жолыныз ардайым ашык болсын!!!

  • АлтынСенбі, 06.01.2018

    өтірік, дәл осыны әкесі жазды дегенге күмәнім бар! Баянның өзінің жаздвртып отырғаны бұл. о заманда бұ заман, бірінші өз баласына ақылын бермейме? өкпесін халыққа айтқанша... арине, бұрынғының тілі анайы келісем, дей тұрғанмен мына жазбамен ақталам деп отырса қателеседі, соншалықты оқыған азамат, біреу бірдеңе жазды екен деп, алып ұшып жауап қайтармас еді...өте өкінішті, дәрежені арсыз қызы үшін түсірмеу керек еді

  • Керемет козы корпеш баян сулу ержан гүлзада керемет актёрлар...Сенбі, 06.01.2018

    Керемет. Факт бəрін шешті деп ойлаймын. Бұл киноны сразу түсірейік деп түсіре салған жоқ. Түсіре салатындай да жəй пəй дүние емес. Қанша талқыға түсіп, ой иелегінен өтті. Не дегенмен керемет туынды. Гүлзада Тұрлаш пен Ержан Мұхатаев өз рөлдерін керемет сомдады. Құрметті Баян ханым сізге мол табыс тілеймін!!!

  • ТотыСенбі, 06.01.2018

    Есін жинала-сала қайттан ұрыс-керіске кірісті Баян. Орысша сулдірлеп кетед дейсын, тоқтамай. Əкесі аз-мас ақыл айтса боладығой қызына! Қызынның істеген əрекетін көрмейма? Халықтан ұялмайма?

  • АтуСенбі, 06.01.2018

    Максат аға сіз Баянға ең құрмағанда бір рет ақыл айтып көрдіңізба өзі? Қызыңыздың ұяты жоқ көрінед, теледидардан орысша не болса соны айтып отырады қашан көрсек. Елды шуыллдатқанша қызыңызды жөндеңіз. Жасы қырықтан ассада шошан-шошан, ақылы өте таяз. Ұят. Айтпақшы, қыздарыңызда, немерелерыңызда "ұят" деген сөздің өзін жек көред. Ұятсыз болғанды жақсы көред.

  • AsdayСенбі, 06.01.2018

    Сонымен мына кісінің фамилиясы Байли ма Мухидденовпа? Тусинбедым..

  • Казак кызы Сенбі, 06.01.2018

    Дурыс айтасыз Максат ага! Толыгымен косыламын! Коре алмайтындар ойына келгенди жаза береди...

  • Халық үніСенбі, 06.01.2018

    Қызыңды жөнде бірінші, сосын елге ақылыңды айтарсың.

  • АааСенбі, 06.01.2018

    Все любят писать критику а вот кто нибудь смотрел на себя со стороны. Да я тоже казашка, я знаю 100% казахский язык, но вот хочу писать и говорть на русском, слава Богу законом не запрещено.
    Хочу сказать одно, люди которые осуждают Баян и ее личную жизнь, прошу Вас остановитесь. Это не ваша жизнь и не ваших детей и родных. Нет никакой гарантий что ваш ребенок не поступит так же. Не сделает ошибку в жизни. Хоть какую. А вы этого и не заметите, потому что это ваш ребенок и он будет казаться всегда Идеальным только для Вас!!!
    Отец защищающий свое чадо!!!
    Мир всем вам и удачи в воспитаний!!!

  • МаржанСенбі, 06.01.2018

    Бұл 6 бөлімді кино заманға сай түсірілген йә олысы рас алайда Тарихқа қарасақ қазақ халқы ашық мандайлы сары болатын тек моңғолдармен қосылған соң қара торы болған делінген және де осы секілді ғашықтық дастандарды оқысаныздарда Төлеген мен Қызжібек киносын алсақта ақ жүзді қасы көзі қара тік мұрынды табиғи сұлулар бейнеленген сол бейнелерне қарап Қазақ елінің байырғы бет бейнесін сұлулығын бейнелей түскенін көреміз.Ал бұл кинода ажарсыз кино индустриясына енді аяқ басқан ешқандай да тәжірибесі жоқ қыз сомдаған әрине бұл қате!!!
    Ал Баян Мақсатқызының букіл ел жұртқа масқара болып халықа үлгі көрсетудің орнына күйеуін сотап оған сатқындық жасап қазақ әйелдеріне ерсі әрекет жасаған қызына ақыл айтпай оның тек подпишиктерінің көбиуін айтып өзге журналистерге сын тақаны Мақсат Мұхитденовтың дұрыс емес әрекеті!!!!

  • ЖансаяСенбі, 06.01.2018

    Жаксы сауатты турде жазылган далелдер келтирипти перемен! Баян Максаткызын жамандаудан шаршамадындарма? Жаман комментарии жазгандарды зан жузинде кудаланыздаршы а!? Айтпесе жатып ап негатив жазу кобейип кетти

  • ЛаураСенбі, 06.01.2018

    Кызынды тарбиеле деген не соз?! Кыздын тагдырына ата-анасы кинали емес. Баяннын басынан откен жагдай кез-келген адамда болуы мумкин. Баринизде ул-кыз осирип отырсыздар. Керемет тарбие берип отырган адамдай сойлейсиздер. Сондай керемет тарбиелеп отырсаныз неликтен елде ажыраскан саны коп, неликтен инстаграмдагы Лайланын "ушбу" хатына казак кыздары енем анадай, куйеуим мынадай деген хаттар токтамайды. Соны бариниз окитыныныз анык. Бариниздин де бир куналарыныз ишим билсин гой. Баяннын жеке омирине бирдене деп айтуга ешкимнин кукыгы жок. Енбегин таза енбек деп багалау керек! Биреудин сыртынан гайбат сойлеу, жак пен тистин ортасындагыдан шыккан арбир создин сурауы бар!

  • Нургуль Сенбі, 06.01.2018

    Баян озiнiн баянын тусiрген гой, тек кинонын атын озгерту керек едi. мыс: Батыр Бакытбек- Баян сулу

  • Қуаныш Қожабайұлы:Сенбі, 06.01.2018

    "Ананди" бес жыл көрсетілгенде бұлай қол жинамап едіңдер! Ұлттық арна бірнеше жыл бойы жабық саясат ұстанып, іштей қалағанын істеп, кейде тіпті "көрерменнің сұрауымен" деп қоқыс сериалды қайта бергенде де мыңқ етпеп едіңдер! Жаңа басшылық келіп түрлі жоба бастап, ақпарат таратуда төңкеріс жасады. Ширек ғасырға жуық қара тізімге енген оппозиционерлер эфирден көрінді, діни-саяси көзқарасы үшін қуғындалған кейбір білікті мамандар төбе көрсетті, сапа артты, көрермен пікіріне құлақ түрді, басшылығы жедел жауап беріп отырды. Бұрынғы бір сарын жобалар мен сериалдардың қарасы батты. Ұлттық арна аз уақыттың ішінде етек-жеңін жинады деуге әбден болады. Бірақ соңғы күндер ерінбеген екінің бірі Ерлан Тынымбайұлының атын атап тұрып мақала жазып, сөйлеп жатыр. "Батырлық" һәм "жанашырлық"! Солардың көбі кезінде Ұлттық арнаға сын айтпақ түгілі Нұржан Жалауқызының атын да білмейтін еді. Қазір бәрі шешен болды, пікірі пішен болды. Бұл жазғаным біреудің сойылын соғу емес, көзі қарақты адам жұмысты көре білсе екен, дүрмектің соңы ілмек екенін түсінсе деген ниет. Не можете помочь - тогда не мешайте дегеннің кері...

  • АйданаСенбі, 06.01.2018

    Кино түсірген адамның жеке өмірі бұл киноға не қатысы бар? Комментарияларды оқып күлкің келеді, Баянға қарсы пікір жазушылар жастар екені көрініп тұр. Әр ана, әр әке өз баласын ешкімге таптатпауы керек. Мақсат ағамыз дұрыс жасады.

  • Уəли ƏйгерімСенбі, 06.01.2018

    Халықтың ойы деп неге 4-5 журналисттердің пікірімен қол жинайды? Осы күнге дейін тарихи қазақша сериял болды ма? Мейлі қандай нұсқада болса да əйтеуір қазақша тарихи сериялдың жарық көргеніне неге қуанбаймыз? Жарты ғасыр бойы көріп келе жатқанымыз Қыз Жібек...жарты ғасыр дегенде екінші өзге эпосымыздың теледидардан шыққанын неге жақтырмаймыз? Қыз Жібек фильміде кітапта жазылған нұсқадан өзгерек екенін білеміз...бірақ біз осы көркем фильмнің бар екендігіне қуаныштымыз...менің ойымша мəселе сериялдың беретін тəлім тəрбиесінде емес сериялды түсірген адамда... қазақтардың менталитеті осы ғой егер əйел адам басқарса дұрыс дүние болмайды немесе қарапайым мысал бала көтермеген немесе ЕКІНШІ ҚАЙТАРА ТҰРМЫС ҚҰРҒАН əйелді жас келіннің шымылдығын ұстатпайды, істеген ісін жақтыртпайды ғой ... соның кебі болып тұр осы жерде де...əйтпесе шынында да осы үндінің сериялдарын неге эфирден алып тастауға қол жинамайды... осы үндінің сериялдарына қарсы қарапайым халықтың ой пікірін неге жақтап бас болып қол жинайтын манағы журналис мырзалар мен өнер адамдары қайда???

  • Қаби АкботаСенбі, 06.01.2018

    Бұл кітаптан қысқаша түсініксіз берілген нұсқаларға қарағанда әлдеқайда пайдасы зор үлкен еңбекпен түсірілген тарихи сериал болды. Осы сериалды көрместен бұрын оқиға туралы білетіндер кемде-кем деп айтар едім. Әрине пікір жазған осыншама қаражатқа үлкен дәрежедегі сериал түсіргеннен жеңілірек.

  • КанатСенбі, 06.01.2018

    Адеми жазаган акеси

  • ЖаннұрСенбі, 06.01.2018

    елдер уйде отырып алып оттай береді. оқығанның қадірін оқыған адам біледі , ол саладан хабары жоқ адамдар оттай береді. уайымдамаңыз. ит үреді, керуен көшеді ....

  • САМАТСенбі, 06.01.2018

    "Сыншыларды" мақтамен бауыздапты. Дәйексіз сын айтқандарға сауап болған. "Біреу қыз алып қашады, қалғандары қызығына қашады" демекші өресі төмен, надандығын көрсеткен сыншысымақтарға сабақ болды.

  • ДинаЖексенбі, 07.01.2018

    Кызынызды колдап жазганыныз дурыс болмапты. Себеби, ол сиздин уйдин тарихын тусирген жок. Ол букил казак халкынын тарихын кинода сомдап отыр. Сондыктан да казак халкы сурауга хакы бар! Кино тусирилген акша баяндыкы емес акесиники емес ХАЛЫКТЫКЫ! Сондыктан да халык талап етуге де, согуге де хакы бар! Егер сиз келтиргендей дореки, анайы создермен ис арекеттермен тусиретин болса тарихи киноларды, онда биз улт ретинде узакка бармасымыз анык. Тарихи киноны, жаманын жасырып, жаксысын асырып тусиру керек! Себеби бул келешек урпактын тарбиеси, улттын болашагы. Халык сураса озине тикелей катысты маселени сурап отыр! Баяннын ози тусирген кинолары толып жатыр, оган ешкимнин таласы жок, ал тарихи кино тусирем жане оны халыктын акшасына тусирем десе, онда мурнын аспанга шуйирмей халыктын созине кулак асып, сынын кабылдасын! Ит уреди деп халыкты итке тенемендер баяннын жактастары! Халык ашынса тонкерип жибереди баринди! Халыкты надан, окымагандар деп менсинбеушиликти койындар - хакыларын жок! Барлык жасалатын жаналык, барлык нарсе халык ушин жасалуы керек! Тек озиниздин колдаушыларынызга, туган туыстарынызга тусирип киноны , баска халык аузын жапсын десениз, халыкка корсетпениз жане оз акшанызга тусириниз! Сол кезде гана халыктын аузына какпак коюга хакыныз бар! Жане Максат мырза, баян копшиликке карсы жалгыз арпылдауды кайдан уйренген десем, жел берип, колдап отыратын сиз бар екенсиз гой... Ал басты рольдеги кара пушык кызга келетин болсак, макалада, онын жеке ар намысына тиген ешким де ештене де жок! Ол кыздын жеке басын емес, басты рольди ойнаган кызды талкыга салды макала телеги! Оны кез келген сот та далелдеп береди! Казахстан азаматы ретинде, менде акшаны кайтарып, дени дурыс адепти тарихи кино тусируди талап етемин!

  • Казак кызыЖексенбі, 07.01.2018

    Баянның әкесінің көңілдесінен туған қызы бар. Балық басынан шіриді. Неге сол қызын жасырып жүр өзі

  • ЖанкаДүйсенбі, 08.01.2018

    Сол Баян шаршатты... Екі бірдей семьяны бұзған айел кай бір жонді айел. Кырыкка келгенде кагынып, Оның жанында Меруерт жүз есе артық, мейлі мінезі шатақтау болса да, əлдеқайда тəрбиелі.

  • Кызык адамДүйсенбі, 08.01.2018

    Бітпейтін Баян болдығой түкте əсер етпит бұған ел шулап қояды да. Ол шет елде ештеңе ойламай қыдырып жүрғой))

  • КәмшатДүйсенбі, 08.01.2018

    Мына мақаладан кейін ,эпостың мектептегі нұсқасын оқыған адамдардың пікірі сияқты болып қалды, жоғарыдағы кісілердің жазғаны)))

  • СанияДүйсенбі, 08.01.2018

    Мен мына Баянның əкесі үшін ұялып отырмын!Жұрт шырқырап шындықты айтса,ол кісі қызы Баянның подписшиктерінің санын айтып масқара болды ау!Халықтан асып кете алмайсыз...

  • НұрдаулетДүйсенбі, 08.01.2018

    Масқара ғой!Осы Баян шаршатты!Қазақ телевизиясынан қуу керек мұндай адамды...

  • Жасұлан Дүйсенбі, 08.01.2018

    Ең алдымен қызыңызға қазақи тәрбие беріп алмадыңыз ба? Инстаграмдағы қызыңыздың жазылушыларының санын айтып мақтанғаныңызға қарағанда алма алма ағашынан арыға түспейтіні рас болғаны-ау! Өкінішті!

  • Мадинова ГулназСейсенбі, 09.01.2018

    91дин киносында кордикко,сол киноны неге экраннан алып тастауга кол жинамады екен.Ултшыл,намысшвл бауырларымыз

  • КерейСейсенбі, 09.01.2018

    Ой санасы түзу, әдебиеттен хабары бар адам ғана түсінеді, не деп жазғанын. Дивандағы сарапшысымақтарға айтарым: өзге біреуді сынап мінеп, ақыл үйреткенше өз жөндеріңді неге реттемейсіңдер? Біреудің семьясын бұзды, қазақша білмейді, Баян эпосын қорлады деп, ойпырмай Көшпенділерді түсіргенде қайда қалдыңдар көруге ұят. Жоқ әлде оны талқылау қызықсыз болды ма? Кім түсіргенін де білмейсіздер. Ал Баян Мақсатқызы қызықты болғаннан кейін іштерің күйіп оқып, ауыздарың көпіріп талқылап, шаштарыңды жұлып ақшасын санап өміріне араласып кір төгіп түкіріп өлесіңдер. Солай ғой. Өзерің не бітірдіңдер. Тым құрығанда халық тамсанатын бір нәрсе істеп көрмеңдерші. Жазғышбектер кітап жазып көріңдер, кім оқиды екен, кімге қызықты болар екен. Еш қандай жетістіктерің жоқ ешкім болмағандықтан саусақтарыңды тістеп, қызарып бар қоқыстарыңды осындай жерге кісілерге төгудесіңдер. Ойланған жөн.

  • Алия Сейсенбі, 09.01.2018

    керемет жауап берипти

  • АйткүлCәрсенбі, 10.01.2018

    Осы Баянның жыры бітпейтін болды ғой. Түсірген фильмдері бір күндік. Әнші қыздары фонограммамен айтады. Сіздің руыңыз бізге не керек? Ғалыммын деп өзіңізді тансытырп отырсыз, бірақ жазған хатыңыз ғалым жазғанына ұқсамайды. Эмоциямен жазылған хат.

  • МейіжанCәрсенбі, 10.01.2018

    No comment!

  • Балнура СмайлЖұма, 12.01.2018

    Быреуды даттап жер қылатындай сіздер кімсыздер бәріміз пендеміз умытпаныздар жарайды Баянды айтыныздар не десеныздерде оз ерыктерыныз, бырак улкен кысыде нелерыныз бар Максат аға озынын коргендыгын оте білімді кысы екенын көрсетті не істеседе кызы кызын колдайды барлык аке сондай, оз баласынын бреуге таптаткысы келмиды.
    Баян ханымға келетін болсак кателык жасады дейсыздер не қателік жасады қазақи кино қазақ кино саласын дамытканы қателік па? Соғұрлым турыктын индиянын сериялдарын езіліп көріп отырсыздар адам жан жақты ойланып сосын айтадыгой Баянды ханым оз басым сызды колдаймын ешқашан талманыз, жұмысыңызга сәттілік!

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар