Белгілі ақын, журналист Жанарбек Әшімжан «Қазақ әдебиеті» газетінің бас редакторы болып тағайындалды, деп хабарлайды "Ұлт ақпарат".
Сонымен қатар ол Қазақстан Жазушылар одағы басқарма төрағасының орынбасары, «Қаламгер – media» орталығының директоры қызметін қоса атқарады.
«Қазақ журналистикасына сіңірген еңбегі үшін» төс белгісімен марапатталған Жанарбек Әшімжан «Шабыт» халықаралық фестивалі Поэзия бөлімінің Гран-при иегері, «Дарын» жастар сыйлығының лауреаты.
Одан бөлек, «Тұран Әлем Банкі» ұйымдастырған республикалық жыр бәйгесінің, «Бір өлең — бір әлем» атты халықаралық жыр мүшәйрасының бас жүлдегері;
Түркістан қаласында өткен Өмірбай Сәуірбаевқа арналған республикалық жыр мүшәйрасының I орын жүлдегері;
Қазақстан Жазушылар одағы жанындағы республикалық жас қаламгерлер кеңесінің төрағасы;
Өлеңдері 2004 жылы «Өлке» баспасынан жарық көрген «Жас ақындар антологиясына» енген.
«Алматы ақшамы», «Жас Алаш», «Жас қазақ» басылымдарында қызмет атқарған Жанарбек Әшімжан «Қазақ әдебиеті» газетін де жаңа белестерге бастайтынына сенеміз.
Осы орайда, Ұлт порталы елдің бас әдеби газетінің тізгінін ұстаған ақынды ерекше ықыласпен құттықтай отырып, алдағы жұмыстарына сәттілік тілейді.
7074 рет оқылды
_80_80.jpeg)