Жамбылда 22 жасар жігіт өзара жанжал кезінде мылтықпен 5 жігітті атып кетті, - деп хабарлайды "Ұлт ақпарат".
Жамбыл облысы Сарысу ауданының орталық аудандық ауруханасына 20, 22 және 24 жастағы 5 тұрғыны оқ жарақатымен жеткізілген. Бұл туралы аудандық полиция бөліміне хабарлама түскен.
Жанжал бұзақылық ниеттен туындағаны анықталды, күдікті жоғарыда аталған адамдарға мылтықтан бірнеше рет оқ атқан.
«Аталған дерекке қатысты ҚР ҚК-нің 24-бабының 3-99-бөлігі 2,1,9 – тармақшалары бойынша (екі және одан да көп адамға қатысты бұзақылық ниетпен жасалған кісі өлтіруге оқталу) сотқа дейінгі тергеу басталды. Жедел-іздестіру шараларын жүргізу барысында полиция қызметкерлері 22 жастағы күдіктіні анықтап, қолға түсірді. Ұсталған азамат өз кінәсін толық мойындап, уақытша ұстау изоляторына қамауға алынды. Барлық тиісті сараптамалар тағайындалды. Заттай дәлелдемелер тәркіленді», - делінген облыстық полиция департаменті баспасөз қызметінің хабарламасында.
935 рет оқылды
