Фото: ұйымдастырушылардан
Республикалық кәсіби шеберлік WorldSkills Kazakhstan чемпионаты аяқталды, оған еліміздің түкпір-түкпірінен 550-ден астам колледж студенттері қатысты. Үш күн бойы жас мамандар "үздік" атағын иеленү үшін күресті.
Бұл шара Президенттің жариялаған «Жұмысшы мамандықтары жылы» аясында ерекше маңызға ие. Премьер-Министр Олжас Бектенов чемпионаттың финалистерімен кездесіп, олардың алған білімдерінің маңызды екенін айрықша атап өтті. Ол цифрлық трансформация мен технологиялық прогресстегі өзгерістерге дайын болу керек екенін айтты.
Фото: ұйымдастырушылардан
Қатысушылар өз шеберліктерін көрсеткен 30 компотенция ішінде дәстүрлі мамандықтар ғана емес, электр жөндеу, энергетика, кірпіш қалау, кузов жөндеу, аспаздық және мейрамхана ісі сияқты мамандықтармен қатар заманауи бағыттар да болды. Олардың ішінде мехатроника, инженерлік графика, веб-технологиялар, бизнеске арналған ІТ шешімдер, мобильді робототехника, мобильді қосымшаларды әзірлеу және прототиптеу бар.
Фото: ұйымдастырушылардан
«Желілік және жүйені басқару» мамандығы бойынша бірінші орынды Қостанай автомобиль көлігі колледжінің түлегі Глеб Сауленко иеленді, ол қазірдің өзінде сұранысқа ие жас маман – Қостанай қаласындағы Allur автомобиль зауытының жүйелік әкімшісі қызметін атқаруда.
«Чемпионатта бізге күрделі тапсырмалар берілді: бізге құрылғылардың негізгі конфигурациясын орындау, коммутация мен маршруттауды түсінуді көрсету, желілік қызметтерді конфигурациялау қажет болды. Осыған дейін облыстық деңгейдегі бұл жарыстарға қатысып, 2-орынға ие болдым. Басқа жас мамандармен танысу, тәжірибе және идеялар алмасу қызықты болды», - дейді Глеб.
Жұмыс берушілер тарапынан жұмысшы мамандықтарға сұраныс үнемі өсіп келеді. Allur компаниясы білім беру жобаларын іске асыруда, соның ішінде 2021 жылдан бастап Қостанай автомобиль көлігі колледжімен ынтымақтастықты белсенді түрде жүргізілуде. Соның арқасында студенттер оқуын қол үзбей практикалық дағдыларға ие болады. Оқу кезінде олар зауытта тәжірибеден өтіп, оқуды бітіргеннен кейін табысты жұмысқа орналасады. Болашақ мамандар мансаптық өсу мүмкіндігі бар бәсекеге қабілетті жалақыға, толық жәрдемақы пакетіне, аударымдар мен тегін тамаққа ие болады. Сонымен қатар, зауытта заманауи жатақхана салынып жатыр, бұл жас қызметкерлер үшін қосымша артықшылық болмақ.
