Қазақстанда карантиндік шектеулер әсер ететін шағын және орта бизнес субъектілерін қолдаудың 60-тан астам шаралары әзірленді, деп хабарлады Қазақстанның премьер-министрі Асқар Мамин.
Бұл туралы «Ұлт ақпарат» хабарлайды.
Өзгерістер 2021 жылға арналған экономикалық өсімді қалпына келтіру жөніндегі кешенді жоспарға енгізілді.
"Бірінші кезекте бұл шаралар бірқатар салықтық жеңілдіктер мен салықтық әкімшілендіруді жеңілдету, жеңілдікті қаржыландыруға қолжетімділікті кеңейту, мемлекеттік сатып алуларға қолжетімділікті жеңілдету, сондай-ақ кәсіпкерлік қызметті қайта реттеу бөлігінде бизнеске жүктемені төмендетуге қатысты", - деп нақтылады Үкімет отырысында Мамин.
Оның айтуынша, ағымдағы жылы шағын және орта бизнестің қаржыландыруға қолжетімділігін кеңейту аясында 47 мыңға жуық жобаны қамти отырып, 2,5 триллион теңгеден астам (5,8 миллиард доллар) жеңілдетілген кредит берілетін болады.
Мамин сондай-ақ кәсіпкерлікті қолдау бағдарламалары бойынша Бизнестің өтінімдерін қарау мерзімдерін 21-ден 5 жұмыс күніне дейін қысқарту бойынша жұмыс жүргізілгенін айтты.
Субсидиялау және несиелерді кепілдендіру аясында мемлекеттік қызметтерді цифрландыру ағымдағы жылы 97%-ға дейін ұлғайды.
"2021 жылдың 1 сәуірінен 1 шілдесіне дейін ШОБ субъектілері үшін еңбекақы төлеу қорынан барлық салықтарды төлеуді кейінге қалдыру енгізілді. Бұл бизнеске шамамен 200 миллиард теңгені сақтауға мүмкіндік берді. ШОБ субъектілерінің салықтық және кедендік берешегін мәжбүрлеп өндіріп алу 2021 жылғы 1 шілдеге дейін тоқтатылды. Бұл бизнеске айналым капиталы үшін 279 миллиард теңгені босатуға көмектеседі", - деді ол.
Екінші деңгейдегі банктердегі кредиттер бойынша төлемдерді 2021 жылғы 1 шілдеге дейін кейінге қалдыру жөнінде шаралар қабылданды, кейінге қалдырылған төлемдер көлемі 750 миллиард теңгені (1,74 триллион долларды) құрайды.
"Қазір біздің міндетіміз – кәсіпкерлерге өз бизнесін дамытуға көмектесу. Қабылданып жатқан шаралар ағымдағы жылы экономика өсімі құрылымында 0,8 пайыздық пункт қалыптастыруға мүмкіндік береді", - деп толықтырды премьер-министр.
Сонымен қатар, "Атамекен" ҰКП Төрағасы Абылай Мырзахметов отырыста осы жылдың соңына дейін "бизнеске арналған Үкімет" сайты іске қосылатынын атап өтті. Бұл бизнесті мемлекеттік қолдау шаралары (оның ішінде қаржылық қолдау бойынша 32, қаржылық емес қолдау бойынша 14) және 526 Мемлекеттік қызмет қолжетімді болатын сервис. Порталда барлығы 570-тен астам қызмет пен қолдау шараларын іске қосу жоспарланып отыр, деп нақтылады Мырзахметов.
"Мемлекеттік және мемлекеттік емес қызметтер бір порталға біріктіріледі және осы жылдың соңына дейін бұл жұмыс аяқталады. Келесі жылдан бастап барлық қызметтер мен қолдау шаралары цифрлық түрде қолжетімді болады", - деді Абылай Мырзахметов.
Бұған дейін ҰКП сервисті пилоттық режимде тестілеу туралы мәлімдеген болатын.
Естеріңізге сала кетейік, Қазақстанда карантиндік шектеулер әсер ететін шағын және орта бизнес субъектілерін қолдаудың 60-тан астам шаралары әзірленді, деп хабарлады Қазақстанның премьер-министрі Асқар Мамин.
Өзгерістер 2021 жылға арналған экономикалық өсімді қалпына келтіру жөніндегі кешенді жоспарға енгізілді.
Үкімет басшысының айтуынша, бірінші кезекте бұл шаралар бірқатар салықтық жеңілдіктер мен салықтық әкімшілендіруді жеңілдету, жеңілдікті қаржыландыруға қолжетімділікті кеңейту, мемлекеттік сатып алуларға қолжетімділікті жеңілдету, сондай-ақ кәсіпкерлік қызметті қайта реттеу бөлігінде бизнеске жүктемені төмендетуге қатысты. Сонымен қатар ол ағымдағы жылы шағын және орта бизнестің қаржыландыруға қолжетімділігін кеңейту аясында 47 мыңға жуық жобаны қамти отырып, 2,5 триллион теңгеден астам (5,8 миллиард доллар) жеңілдетілген кредит берілетін атап өтті.
1197 рет оқылды
