Фото: AP Photo / Rod Lamkey
АҚШ-тың бұрынғы президенті Дональд Трамп Украинадағы соғысқа байланысты Ресей тарапынан ешқандай нақты қадам жасалмағанына наразы. Бұл туралы АҚШ Мемлекеттік хатшысы Марко Рубио Fox News арнасына берген сұхбатында мәлімдеді, деп хабарлайды Ult.kz.
"Трамп шыдамының таусылып бара жатқанын байқатып жүр. Ол Ресей бұл соғысты тоқтату үшін нақты әрекетке көшеді деп үміттенген еді. Алайда, мұндай қадамдар жасалмаған соң, күтуге деген ықыласы күн өткен сайын төмендеп келеді", – деді Рубио.
Айта кетейік, шілде айының ортасында Трамп Ресейге наразылығын ашық білдіріп, егер Украинадағы қақтығысты тоқтату жөнінде келісімге келмесе, Ресейге қосымша 100 пайыздық баж салығын енгізетінін мәлімдеді. Бұл шарттың орындалуы үшін ол 50 күндік мерзім белгілеген. Сонымен қатар, Трамп өзін ешбір тарапты қолдамайтынын атап өткен.
967 рет оқылды
