GGG Promotions компаниясының басқарушы директоры Том Леффлер WBA/WBC/IBF тұжырымдары бойынша бұрынғы әлем чемпионы Геннадий Головкиннің жуырда рингке оралатыны туралы мәлімдеме жасайтынын айтты, деп хабарлайды ҚазАқпарат Sports.kz-ке сілтеме жасап.
«GGG алдағы кездесуінің қашан, қайда, кіммен өтетіні туралы жуырда ресми түрде мәлімдейді, - деді Леффлер Periscope-трансляция барысында.
Айта кетейік, Головкин жаз маусымының басында рингке оралуы мүмкін. Los Angeles Times басылымы таратқан хабарларға сүйенсек, ол шамамен 8 немесе 14 маусым күні Нью-Йоркте жекпе-жек-өткізеді. Әзірге Головкиннің қарсыласы кім болатыны анық емес. Дегенмен, франциялық Хассан Ндам Нжикаммен кездесуі мүмкін деген әңгіме көбірек айтыла бастады
1261 рет оқылды
