Текелі қаласындағы лай көшкіні кезінде жоғалған бес жасар қыздың мәйіті табылды, - деп хабарлайды "Ұлт ақпарат" Алматы облысы ТЖД баспасөз қызметіне сілтеме жасап.
"15 мамырда сағат 18.15-те "Багира" атты қызметтік иттің көмегімен Текелі қаласында лай массасының ағуы кезінде қаза тапқан 2016 жылғы қыздың денесі үйінді астынан табылды", - делінген хабарламада.
Айта кетсек, бүгін түскі сағат 13:00 шамасында Текелідегі Қонаев көшесінде лай көшкіні жүріп, бес жастағы қыз бала жоғалып кеткен. Оны іздеуге екі жүздей адам жұмылдырылды.
Текелі қаласындағы лай көшкінінің алдын ала ұзындығы - 50 метр, ені - 25 метр, биіктігі - 3,5 метр, көлемі - 4375 текше метр.
1928 рет оқылды
