Алматы тұрғындары Шымбұлақ шатқалында қар барысын видеоға түсіріп алды, - деп хабарлайды "Ұлт ақпарат".
Әлеуметтік желіде қар барысы түсірілген ерекше видео пайда болды. Бейнежазбадан оның алаңсыз жоғары шығып бара жатқанын көруге болады.
Ал, көлік ішінде отырған куәгерлердің таңғалсында шек жоқ.
Іле Алатауы мемлекеттік ұлттық табиғи паркі өкілдерінің айтуынша, туристер түсірген бейнежазба - шынымен сирек кездесетін оқиға және сәтті түсірілім.
«Шымбұлақ шатқалында туристер түсірген қар барысының видеосы көпшіліктің назарын аударып, қызығушылығын тудырды. Барыс нақ осы түсірілім болған жерде тұрақты мекендемейді. Оның бұл аймаққа келуі қорегі саналатын тұяқты жануарлардың (елік, сібір тауешкісі, т.б.) миграциясына тікелей байланысты болуы мүмкін», - деп хабарлады Іле Алатау МҰТП Ғылыми зерттеу жұмыстары және таулы агробиоәртүрлілік бөлімінен.
1427 рет оқылды
