_48_48.webp)
Шығыс Қазақстан облысында боранның салдарынан тасжолдардың бірі жабылды, деп хабарлайды "Ұлт ақпарат".
«Қазавтожол» ЖШС ШҚОФ мәліметіне сүйенсек, 22 қаңтар сағат 16:50-ден бастап ауа райының қолайсыздығына, нақты айтқанда боранға байланысты республикалық маңызы бар «Алматы - Өскемен» тасжолының 615-683 шақырымы (Алматы облысының шекарасы мен Таскескен ауылының арасы) барлық автокөлік түрлері үшін жабылды.
Осы ретте ШҚО төтенше жағдайлар департаментінің мамандары өңір тұрғындарына алыс сапарға шыққан кезде Darmen мобильді қосымшасы арқылы жолдардың жай-күйін алдын ала біліп алуға кеңес береді.
675 рет оқылды
