Қазақстанда салынуы ықтимал атом электр станциясына (АЭС) арналған аумақ ретінде Алматы облысындағы Үлкен ауылы таңдалған. Бұл туралы Қазақстан энергетика вице-министрі Мағзұм Мырзағалиевке сілтеме жасап, отандық БАҚ хабарлады.
Мырзағалиевтің сөзінше, АЭС салу бойынша нақты шешім әлі қабылданбаған.
"Әзірге тек [станция салынуы мүмкін] аумақты белгіледік. Өзімізге сай келетін технологияны іріктейміз. Бұл туралы әлі талқыланады. Аумақ ретінде Алматы облысындағы Үлкен ауылы таңдалды" деді вице-министр.
Оның сөзінше, "АЭС құрылысы әлі де зерттелуі керек".
3 сәуірде өткен жиында Путин Тоқаев екеуі "бейбіт атом саласындағы серіктестік" жайлы талқылағанын айтқан. Оның сөзінше, "уран өндіру және байыту бойынша Қазақстан мен Ресейдің бірлескен алты өнеркәсібі жұмыс істейді".
Қазақстанмен АЭС құрылысын талқылауды Путин "әріптестіктің жаңа формасына өту" деп атаған.
Дереккөзі: Аzattyq.org
4379 рет оқылды
