Алматыда жол бойында көлігін қойып, намаз оқыған ер адамның видеосы әлеуметтік желіге шықты. Алматы қалалық полиция департаменті бастығының орынбасары Рустам Әбдірахманов аталған видеоның астына пікірін жазды, деп хабарлайды ҚазАқпарат.
«Ғибадат – жақсы ғой, бірақ, бұл әркімнің жеке ісі және біздің дінімізде басқаларға кедергі келтірмеу де өте маңызды. Ғибадат жасаған кезде де басқаларға кедергі мен қолайсыздықтар келтірмеу керек. Бәріне бейбітшілік пен ізгілік тілеймін», - деп жазды Рустам Абдрахманов.
Айта кетейік, жол бойында намаз оқыған адамның жол ережесін бұзғаны үшін хаттама толтырыла ма, жоқ па әзірге белгісіз.
690 рет оқылды
