Петропавлдағы «Нұр» мешітінде өрт шықты. Зардап шеккендер, қаза тапқандар жоқ, деп хабарлайды ҚазАқпарат.
СҚО төтенше жағдайлар департаменті баспасөз қызметінің мәліметінше, бүгін таңғы сағат 7.40 минут кеткенде «101» жедел арнасына Петропавлдағы Жабаев көшесі, 160 мекен жайда орналасқан «Нұр» мешітінде өрт шыққаны жөнінде хабарлама түседі.
Оқиға орнына № 1 және № 2 мамандандырылған өрт сөндіру бөлімдерінің, облыс орталығының № 3 өрт сөндіру бөлімінің және СҚО ТЖД жедел-құтқару жасағының бөлімшелері жіберілді.
Өрт мешіт асханасына іргелес ағаштан салынған шаруашылық нысанында шыққан екен. Ғимарат отқа оранып үлгеріпті.
Нәтижесінде асхана мен ғибадат ғимараты өрттен аман қалды. Оқиға орнынан жеті 50 литрлік газ баллоны шығарылды.
Сағат 8.11 минут кеткенде өрт толық сөндірілді.
Қаза болғандар мен зардап шеккендер жоқ.
Өрт салдарынан 2 жеңіл автокөлік ішінара зақымданды, шаруашылық құрылысы жанып кетті.
Мамандардың айтуынша, өрттің шығуына электр желілерінің қысқа тұйықталуы себеп болған.
1111 рет оқылды
