Павлодарда тоғызыншы қабаттан құлаған әйел тірі қалды, - деп хабарлайды "Ұлт ақпарат" Рavlodarnews.kz сайтына сілтеме жасап.
Облыстық ТЖД баспасөз қызметінің мәліметінше, 11 мамыр сағат 14.37-де «112» пультіне Ак. Бектұров көшесі, 109 мекенжайынан хабарлама түскен.
- Тоғыз қабатты тұрғын үйдің тоғызыншы қабатындағы пәтердің терезесінен үйге жапсарлас салынған «Экстрамед» медициналық орталығының төбесіне 1993 жылы туған әйел құлаған. Зардап шеккен адам ауруханаға жатқызылды, - деді департаментте.
Оқиға орнына бес құтқарушы мен бір техника шықты.
Облыстық денсаулық сақтау басқармасының мәліметі бойынша, әйелдің жасы 30-да.
Кеуде омыртқасының сынуы, бас миының шайқаулы диагнозымен № 1 қалалық ауруханаға жеткізілген. Бұғанасы мен 5,6,7-ші сол жақ қабырғасы сынған. Мас болған. Қарқынды терапия палатасына жатқызылды.
Оқиғаның мән-жайы анықталуда.
699 рет оқылды
_140_110.webp)
