ҚР Тәуелсіздік мерекесі күндері Қазақстанның көліктегі ішкі істер департаменті күшейтілген жұмыс режиміне ауысады, деп хабарлайды "Ұлт ақпарат".
«15-18 желтоқсан аралығында ҚР ІІМ көліктегі ІІД жеке құрамы мереке күндеріндегі қауіпсіздікті қамтамасыз ету мақсатында күшейтілген жұмыс режимінде жұмыс істейді», - деп жазылған ҚР ІІМ Көліктегі ішкі істер департаментінің хабарламасында.
Аталмыш іс-шараға ведомствоның барлық күш-құралы жұмылдырылған.
Департамент басшысының орынбасары Талғат Өтетілеуовтың айтуынша, мереке күндері көліктегі полицейлер әуе және темір жол қызметін пайдаланатын жолаушылардың қауіпсіздігін қамтамасыз етеді. 800-дей тәртіп сақшысы әуежайлар мен теміржолдардағы қоғамдық тыныштықты күзететін болады. Сонымен бірге, қылмыстың алдын алу, ұрлық, алаяқтық істердің ізін суытпай ашу жұмыстары жедел жүзеге асырылады.
Қосымша жедел-тергеу топтары қылмыс орын алған жерлерге жылдам жетіп, аталған жұмыстарға кинологиялық орталықтардың қызметтік иттерін де пайдаланады.
Өтетілеуовтың айтуынша, қазір Астана-1 және Астана «Нұрлы жол» вокзалдарының іші-сыртында 600-ден астам бақылау камерасы жұмыс істеп тұр.
3259 рет оқылды
_140_110.webp)
