Фото: ҚР ӨҚМ
Мәжіліс қала құрылысын жоспарлаудан бастап нысандарды қабылдауға дейінгі барлық кезеңде құрылыс нормаларын оңтайландыратын жүйелі құжат – Құрылыс кодексінің жобасын бірінші оқылымда қолдады, деп хабарлайды Ult.kz.
Кодекс сапа мен қауіпсіздікті бақылауды күшейтеді, нүктелі құрылыстағы іліктерді жояды және қала құрылысы шешімдерін орындаудағы тәртіпті қалпына келтіреді.
Жоба сарапшыларды, салалық қауымдастықтар мен қоғамдық институттарды тарта отырып, ашық форматта дайындалды. Құжат кәсіби қоғамдастықтың ұсыныстарын қамтиды; жеке бөліммен сейсмикалық қауіпсіздік талаптары күшейтеді; бұзушылықтарға жедел әрекет ету құқығымен «эталонды» толық жайғастыру жобалары мен құрылыстың негізгі кезеңдерін жоспарлы тексеруді енгізеді.
«Бұл жаңа енгізілімдер нысанның басынан бастап пайдалануға берілгенге дейінгі барлық құрылыс циклін үздіксіз мемлекеттік бақылау мен қадағалаумен қамтамасыз етеді», - деді министр Ерсайын Нағаспаев.
Екінші оқылымға пысықтау Парламент депутаттарымен және сарапшылармен бірлесіп жүргізіледі. Мақсат – қаланың өсуі қауіпсіз, болжамды және азаматтардың мүдделеріне сай болуы үшін саланы нақты ережелер мен цифрлық құралдармен қамтамасыз ету.
Айта кетейік, ҚР Парламенті Мәжілісінің депутаты Асхат Аймағамбетов Құрылыс кодексінің жаңа жобасында әлеуметтік маңызы зор бірқатар нормалардың ескерілмегенін айтып, нақты ұсыныстар айтқан еді.
