Фото: Polisia.kz
Қызылорда облысында бақташы құны 9 млн теңге болатын 21 түйені ұрлап, сатып жіберген, – деп хабарлайды "Ұлт ақпарат" Polisia.kz-ке сілтеме жасап.
Қызылордалық полицейлер өзгенің малын сатқан бақташыны ұстады.
"2021 жылдың көктемінде Қызылорда облысының Қазалы ауданында ауыл шаруашылық мекемесінің басшысы 53 түйесін жергілікті бақташыға сеніп тапсырған. Уақыт өте малын санағанда едәуір бөлігі жоқ болып шыққан. Аудандық полиция бөліміне арызданған ол 21 түйесінің жоғалғанын айтты.
Тексеру жұмыстарын жүргізген полиция қызметкерлері бұл жайтқа бақташының қатысы бар екенін анықтады" - делінген хабарламада.
Қылмысқа күдіктелген бақташы малдардың көп бөлігін иемденіп, сойып, етін сатып, ал ақшасын өз қажеттілігіне жұмсаған. Жалпы, жәбірленушіге келтірілген шығын көлемі 9 миллион теңгеден асты.
"Қазіргі уақытта аталған дерек бойынша ҚР ҚК-нің 189-бабы бойынша сотқа дейінгі тергеп-тексеру амалдары жүргізіліп жатыр.
Күдікті Қазалы аудандық полиция бөлімінің уақытша ұстау изоляторына қамауға алынды. Оқиғаның мән-жайы анықталып жатыр" - делінген ІІМ баспасөз қызметі хабарламасында.
393 рет оқылды
_140_110.webp)
