Қазақстанда 10 қаңтар күні Парламенттің төменгі палатасы депутаттарының сайлауы сәтті өтті.
Осыған байланысты Қытай тарапы Қазақстанды құттықтайды және әдеттегідей екіжақты қарым-қатынасты дамытуға мүдделі. Дүйсенбі күні ҚХР СІМ өкілі Чжао Лицзян осындай мәлімдеме жасады.
«10 қаңтар күні Парламенттің төменгі палата депутаттарының сайлауы сәтті өтті. Қытай Қазақстанды құттықтайды», - деді ҚХР СІМ-нің өкілі.
«Қазақстан ұлттық даму мен құрылыс саласында биік межелерді бағындыратынына сенімдіміз», - деп қосты дипломат.
Чжао Лицзянның сөзінше, Қазақстан мен Қытай - тату көрші, түрлі салалар бойынша стратегиялық әріптес.
«Қытай Қазақстанмен бірлесіп, екіжақты қарым-қатынастарды үздіксіз дамыту ісіне үлес қосуға дайын», - деді ол
897 рет оқылды
