Қорғаныс министрлігінде аппараттық жиын өтіп, онда Қазақстан армиясындағы өзекті мәселелер қаралды, деп хабарлайды "Ұлт ақпарат" ведомствоның баспасөз қызметіне сілтеме жасап.
Қорғаныс ведомствосының басшысы әскерлердің бас қолбасшысы мен қолбасшысына, әскери қызметшілердің тәуліктік кезекшілікке (нарядқа) және жауынгерлік кезекшілікке түсу жиілігін қайта қарауға нұсқау берді. Тым жиі кезекшіліктер, қарауылдар сарбаздардың өз міндеттеріне талапқа сай атқаруына кері әсерін тигізеді.
«Мерзімді қызметтегі әскери қызметшілерді әскер қатарына қабылдау жалғасуда. 31 шілдеде шақыру аяқталғанға дейін әскерге шақырылушыларды ПТР әдісімен COVID-19-ға тексеруді жалғастыру қажет»,-делінген хабарламада.
Сондай-ақ онда әуе қорғанысы күштерінде тактикалық-саптық сабақтар өткізілгендігі айтылған.
Ұшу экипаждары күндізгі және түнгі жағдайларда өз міндеттерін орындап, парашют дайындығы бойынша сабақтар жүргізіледі. Әскери ұшу жоғары оқу орнының курсанттары да кәсіби практикадан өтеді. Болашақ ұшқыштарды тәжірибелі нұсқаушылар даярлайды. Өткен аптада Ақтауда авиациялық базаның жауынгерлік дайындығы тексерілді, оның авиациялық паркі төрт Ми-35М тікұшағымен толықты. Қазіргі уақытта техниканы қабылдау жүзеге асырылуда.
Министр түрлі жағдайларға дер кезінде ден қою үшін авиатехника мен әскери-көлік авиациясының экипаждарының дайындығы мықты болуы қажеттігін ескертті.
Әскери-теңіз күштері кемелерінің экипаждары жеке кемемен белгіленген мақсаты бойынша міндеттерді пысықтау жөніндегі курстық есепті орындайды. Курстық тапсырмаларды тапсыру процесі әр кемені дайындау бағдарламасының құрамдас бөлігі болып табылады.
Өңірлік қолбасшылықтардың әскерлерінде арнайы-тактикалық оқу-жаттығулар өткізілді, мамандық бойынша дайындық аяқталуда. Оқу-жаттығудың қорытындысы бойынша бақылау сабақтары ұйымдастырылады.
«2019 жылдың ұқсас кезеңімен салыстырғанда әрбір әскери қызметшінің оқу деңгейін нақты бағалау керек», – деп тапсырды Нұрлан Ермекбаев.
«Оңтүстік» өңірлік қолбасшылығының басқару органдары «Алдаспан-2020» жедел-тактикалық командалық-штабтық оқу-жаттығуларына дайындық шеңберінде жиналыс өткізді.
Төртінші бітімгершілік ротаны БҰҰ-ның Ливандағы миссиясына жіберуге жауапты лауазымды тұлғалардың баяндамалары тыңдалды.
Қарулы Күштер полигондарын жаппай тазалау жұмыстары жалғасуда.
Талқылау армиялық тактикалық атыстың дамуына да әсер етті. Бұған дейін Қорғаныс министрі әскери қызметшілердің түрлі жағдайларда, атап айтқанда қозғалыста, түрегеп тұрып, тізеден, қозғалыстағы нысаналар бойынша ату дағдыларын қалыптастыру мақсатында әскери тактикалық ату бойынша жаттығуларды жауынгерлік даярлық бағдарламасына енгізу туралы тапсырма берген болатын.
Қорғаныс ведомствосының басшылығымен әскери қызметшілер арасында алғашқы жарыстар өткізу тапсырылды. Осыған байланысты әскери тактикалық ату федерациясын құру туралы, жеке құрамның жаттығу процесін ұйымдастыру үшін, Қарулы Күштерде көпфункционалды атыс орталығын құру жөнінде ұсыныстар енгізу туралы нұсқау берілді.
Қорғаныс ведомствосының басшысы жалпы қауіпсіздік мәселелеріндегі Қарулы күштердің әрбір әскери қызметшісі мен қызметшілерінің жауапкершілігі туралы ескертті. Қалған жеке құрамның денсаулығына қауіп төндірмей, емдеу курстарын және толық сауыққанға дейін оқшаулау режимін сақтау керек.
Министр инфрақұрылымды сапалы қалыптастырумен және медицина мамандарының санын арттырумен медициналық қызмет бөлімшелерді дамыту жоспарын әзірлеу міндетін қойды.
2020 жылдың сәуірінде Радиациялық, химиялық, биологиялық қорғау және экологиялық қауіпсіздік департаменті құрылды. Бүгінгі жағдай Қарулы Күштерде әскери уақытта да, бейбіт уақытта да, түрлі сипаттағы төтенше жағдайлардағы міндеттерді орындауға қабілетті «қос мақсаттағы» құрамдауыштардың болуы қажеттігін көрсетті. Осы әскерлердің құрылымы мен құрамы қазіргі заманғы талаптарға және перспективалық міндеттерге сәйкес келуге тиіс.
1139 рет оқылды
