Алматы қаласының әкімі Бақытжан Сағынтаев Көктөбенің көшкін қаупі бар аймақтарын нығайту жұмыстары туралы айтты, деп хабарлайды "Ұлт ақпарат".
«Шілдеде Медеу ауданын аралаған кезде Көктөбе тауының көшкін қаупі бар аймағына орналасқан бірнеше үйдің тұрғындары көмек көрсетуді өтінген еді. Өйткені үйлерге опырылу қаупі төніп, келеңсіз жайт тұрғындарды алаңдатқан болатын. Тамыз айында Горный, Горновосточный және Бегалин көшелері тұйықталған тау бөктерлерін бекіту басталған болатын. Жалпы, 60 жеке үй орналасқан 290 метр беткей нығайтылуы тиіс еді», - деп жазды Бақытжан Сағынтаев Instagram -дағы парақшасында.
Оның айтуынша, батыс жақтағы қабырғаны габионнан жасалған жеті метрлік тіреумен нығайту жұмысы аяқталды.
«Шығыс жағын қарашаның соңында бітіреміз, жалпы барлық жұмыстар аяқталады. Осы аймақта орналасқан 250-ге жуық тұрғынның қаупі сейілетін болады»,- деді әкім.
1371 рет оқылды
_140_110.webp)
