Биыл «ҚазМұнайГаз» еншілес кәсіпорындарымен бірге «Таза Қазақстан» жалпыұлттық экоакцияға белсенді қатысып, 97 218 ағаш отырғызды. Осылайша Мемлекет басшысының бастамасымен қолға алынған айтулы іс-шараға компания да елеулі үлес қосып отыр. Бұл туралы компанияның telegram арнасы жазады.
Ағаш отырғызу акциясы «ҚазМұнайГаздың» кəсіпорындары орналасқан барлық өңірлерді – Ақтау, Атырау, Ақтөбе, Шымкент, Қызылорда жəне Астананы қамтыды. Қалалар мен ауылдарда жаңа жасыл-желекті аймақтар құруға, компанияның өндірістік нысандарының аумағын көгалдандыруға ерекше назар аударылды. Жергілікті климатқа төзімді ағаштар, соның ішінде қайың, қарағай жəне сəмбітал егілді.
2020-2023 жылдар аралығында ҚМГ-ның еншілес жəне тəуелді ұйымдары 100 мыңға жуық ағаш екті. Сонымен бірге 2024 жылы сəуір айының басында «ҚазМұнайГаздың» ұйымдастыруымен Арал теңізінің құрғаған ұлтанында 15 мың гектар алқапқа 4,5 млн сексеуіл көшеті отырғызылды.
«ҚазМұнайГаз» көгалдандыру жəне қоршаған ортаны қорғау жөніндегі жұмысты əлі де жалғастырады.
Фотолар: «ҚазМұнайГаз» telegram арнасынан
298 рет оқылды
_140_110.jpeg)
