Қазақстандықтар төрт айда шетелден 117 млрд теңге алды, деп хабарлайды Ranking.
«Ағымдағы жылдың қаңтар-сәуір айларында шетелден келген ақша аударымдарының көлемі 116,7 млрд теңгені құрады, бұл 2018 жылдың сәйкес кезеңімен салыстырғанда 41,3%-ға көп», - делінген хабарламада.
Сондай-ақ, транзакциялар саны артты: 29,1%, яғни 529,2 мыңға дейін. Бір жыл ішінде халықаралық ақша аударымдары жүйесі бойынша бір транзакцияның орташа чегі 201,6 мыңнан 220,6 мың теңгеге дейін өскен.
Қазақстан Республикасына ақша аударымдарын жіберген елдер ішінде Ресей жетекші орын алады: 50,6 млрд теңге - бұл 2018 жылдың қаңтар-сәуір айларына қарағанда 37,9%-ға көп. Транзакциялар саны 31,7%-ға, 271,8 мыңға артты, бір аударымның орташа чегін 4,7%-ға, 177,8 мыңнан 186,1 мың теңгеге дейін арттырды.
Екінші орында - Корея Республикасы: 20,6 млрд теңге, өсім - бірден 63,3%. Аударымдар саны 51,5%-ға, 54,1 мың транзакцияға ұлғайды. Орташа чек 354,1 мыңнан 381,5 мың теңгеге дейін өсті.
Көш бастап тұрған үштіктің соңында Өзбекстан бар, ол елден 10,1 миллиард теңге аударылды. Бұл өткен жылмен салыстырғанда 70,1 пайызға артық. Транзакциялар саны - 44,3%, 28 мыңға дейін өсті. Өзбекстаннан бір аударымның орташа чегі 306,1 мыңнан 360,7 мың теңгеге дейін артқан.
2337 рет оқылды
