Қазақстанда 2018 жылдың қаңтар-қараша айларында 812 536 жеңіл көлік тіркелген, бұл 2017 жылдың осы кезеңімен салыстырғанда 73,5 пайыз көп, деп хабарлайды "Ұлт ақпарат" ҚР Ұлттық экономика министрлігінің Статистика комитетіне сілтеме жасап.
Өткен жылғы 1 желтоқсандағы жағдай бойынша, Қазақстанда тіркелген жеңіл автомобильдер саны 4047,8 мың бірлікті құраған. Есептік кезеңде 14 231 жол-көлік апаты тіркелді, бұл бұған дейінгі жылға қарағанда 8,4 пайыз аз. Бұл ретте жол-көлік апаттарынан 20 232 адам зардап шеккен.
1 желтоқсандағы жағдай бойынша, көлік құралдары иелерінің азаматтық-құқықтық жауапкершілігін міндетті сақтандыру бойынша сақтандыру ұйымдары 19,8 млрд теңгеге 53 954 сақтандыру төлемін жүзеге асырған.
2967 рет оқылды
