Шығыс Қазақстан облысының бірқатар ауданында екінші ауысымдағы оқушыларға мектепте сабақ болмайды, деп хабарлайды "Ұлт ақпарат".
ШҚО төтенше жағдайлар департаменті баспасөз қызметінің мәліметіне сүйенсек, 25 қаңтарда ауа температурасының төмендеуіне байланысты (-26) Өскемен қаласында екінші ауысымдағы 1-4 сынып оқушыларына сабақ өткізілмейді.
«Сондай-ақ Жарма ауданында сынап бағанасы -32 градусты көрсеткендіктен 1-11 сынып оқушылары үшін сабақ оқымайды. Ал Риддер қаласында ауа температурасы 30 градусқа дейін төмендеп, 0-11 сынып оқушылары мен колледждердің 1-2 курс студенттері сабақтан босатылды» деп хабарлады ведомство өкілдері.
Оқушылар мен студенттер бүгін үйден онлайн оқиды.
870 рет оқылды
