Қаскелеңде 200-ге жуық жылқыны трассамен айдап өткен тұрғындар жауапкершілікке тартылды, - деп хабарлайды "Ұлт ақпарат" Алматы облысы Полиция департаментінің баспасөз қызметіне сілтеме жасап.
"30 мамырда әлеуметтік желілерге мониторинг жүргізу барысында белгісіз біреулердің Қаскелең қаласының көшелерінің бірінде 200-ге жуық жылқыны айдап бара жатқаны түсірілген бейне анықталды.
Дерек аудандық полицияда тіркелді. Іздестіру жұмыстары барысында Қарасай ауданы ПБ ЖПҚБ қызметкерлері ҚР ӘҚБтК-нің 408-бабы 1-бөлігі (ауыл шаруашылығы жануарларын жаю қағидаларын бұзу), сондай-ақ ҚР ӘҚБтК-нің 505-бабы 1-бөлігі (аумақтарды абаттандыру қағидаларын бұзу) бойынша үш азаматты анықтап, әкімшілік жауапкершілікке тартты" - делінген хабарламада.
Сондай-ақ, құқық бұзушылармен бұдан былай мұндай фактілерге жол бермеу бойынша түсіндірме жұмыстары жүргізілген.
видео: kaskelen.kz
648 рет оқылды
