#
#
Сенбі 06/03/2021

Қапшағай көлінде дауыл кезінде жағаға жете алмаған балықшылар құтқарылды

  • 22.01.2021
  • 0
  • 162

Қапшағай көлінде дауыл кезінде жағаға жете алмаған балықшылар құтқарылды, деп хабарлайды "Ұлт ақпарат". 

«22 қаңтар күні Алматы облыстық ТЖД Қапшағай өңірінің Жедел-құтқару жасағының құтқарушылары патрульдеу кезінде жағалаудан үш шақырым жерде қалған балықшыларды құтқарды. 4 адам мұз ойығынан балық аулап жүрген. 65, 45, 44 және 36 жастағы ер адамдар (Қапшағай және Алматы қалаларынын тұрғындары) қатты желде жағаға жете алмаған»,- делінген Алматы облыстық ТЖД баспасөз қызметінің хабарламасында. 

Ведомствоның ақпаратына сәйкес, құтқарушылар «Славир-9У» ауа жастықшасы бар арнайы кеме көмегімен азаматтарды жағаға эвакуациялады.

Естеріңізге сала кетейік, 20 қаңтарда Алматы облысы ТЖД SMS хабарлама, «Дәрмен» мобильді қосымша және бұқаралық ақпарат құралдары арқылы 22-23 қаңтарда Алматы облысының кей жерлерінде қатты жауын-шашын (жаңбыр, қар), боран, тұман, көктайғақ болатынын ескертті. 22 қаңтарда күндіз және 23 қаңтарда түнде жел солтүстік батыстан оңтүстік батысқа ауысып, 15-20 м/с, кей жерлерде екпіні 23-28 м/с жетеді, тіпті 30 м/с асып кететіндіктен дауылды ескертуі жарияланды.

Алматы облысының ТЖД азаматтарды ауа райының өзгеруін бақылап, дауыл кезінде алыс жолға және мұз үстіне шықпауға шақырады.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар