Бүгін таңертең елорда әкімі Алтай Көлгінов екі мектепке барып, ондағы құрылыс жұмыстарымен танысты, деп хабарлайды "Ұлт ақпарат" әкімдіктің ресми сайтына сілтеме жасап.
Қала басшысы ат басын тіреген алғашқы нысан №28 мектеп болды. Білім мекемесіне қосалқы ғимарат салынуда. Жаңа корпус 300 орынға есептелген. Сондай-ақ, қосымша нысанда спорт залы, асхана болады. Сыртқы аумағында ойын алаңы орнатылады. Корпус қазан айында ашылады деп жоспарланған.
№67 мектепке барған А. Көлгінов қауіпсіз кіреберіс жолдарын салу қажеттігін атап өтті.
«Мектептерді салып жатырмыз, бірақ кіреберіс жолдар туралы ойламаймыз. Осындай мәселе №75 мектепте де бар. Тұрғызған жаңа құрылыстар жанында, дұрыс жол жоқ. Ата-аналар мен оқушыларға аулалар арқылы баруға тура келеді. Не көлікпен жету, не жаяу бару мүмкін емес.Оқу орындарына қауіпсіз жолдар салу, көлікке арналған тұрақ орындарын ойластыру қажет», - деді ол.
Бұдан басқа, ата-аналар мен оқушылардың ыңғайлылығы үшін бірнеше жерден кіреберіс қақпалар ашылады.
Айта кетейік, алдағы 5 жылда елордада 40-қа жуық білім беру нысаны бой көтереді.
1436 рет оқылды
_140_110.jpeg)
_80_80.jpeg)