Ақтөбе облысының әкімі Бердібек Сапарбаев өзінің жалақысы қанша екенін айтты, - деп жазады "Диапазон".
Аймақ басшысының ай сайынғы алатын жалақысы 863 мың теңге көлемінде болып шықты. Ал, Ақтөбе облысы басшылығы ай сайын жалпы 3 миллион 300 мың теңге алады. Бұл сомаға әкімнің жалақысымен қатар бес орынбасарының жалақылары кіреді. Атап айтар болсақ, Ғали Ысқалиев - 461 000 теңге, Жаңабай Бексары - 503 000 теңге, Асқар Биахметов - 507 000 теңге, Асқар Шериязданов - 511 000 теңге және Мұхтар Жұмағазиев - 518 000 теңге.
Ақтөбе қаласының әкімі Ілияс Ыспанбетов болса 451 000 теңге жалақы алады. Оның орынбасарларының жалақысы бұған қарағанда аздау: Жандос Байырханов - 194 000, Қуантқан Әлімов - 203 000, Нағымжан Алдияров - 194 000, Мадияр Қабыл - 199 000 теңге. Ақтөбе әкімі аппаратының жетекшісі Қайрат Райымқұлов болса 161 мың теңге жалақы алады. Қала басшысы мен оның орынбасарларының және аппарат жетекшісінің жалақыларын қосқанда ай сайын бір миллион 402 мың теңге шығып отыр.
2628 рет оқылды
