«Қазгидромет» РМК Қазақстанның 12 облысында ауа райының қолайсыздығына байланысты ескерту жариялады, деп хабарлайды "Ұлт ақпарат".
17 ақпанда Түркістан облысының кей жерлерінде тұман күтіледі.
18 ақпанда Қарағанды облысында түнде кей жерлерде қар, күндіз жауын-шашын (жаңбыр, қар), 19 ақпанда басым бөлігінде жауын-шашын (жаңбыр, қар) күтіледі. Кей жерлерде тұман, бұрқасын, көктайғақ болады. Жел оңтүстік-шығыстан солтүстік-батысқа ауысады, кей жерлерде күші - 15-20 м/с, екпіні 23-28 м/с.
Павлодар облысында 18 ақпанда кей жерлерде, 19 ақпанда басым бөлігінде жауын-шашын (жаңбыр, қар) күтіледі. Кей жерлерде тұман, бұрқасын, көктайғақ күтіледі. Жел солтүстік-шығыстан солтүстік-батысқа ауысады, 18 ақпанда кей жерлерде күші - 15-20 м/с, 19 ақпанда басым бөлігінде 15-20 м/с, кей жерлерде екпіні - 23-28 м/с.
17 ақпанда Маңғыстау облысының кей жерлерінде күндіз қатты жауын-шашын (жаңбыр, қар) күтіледі. Кей жерлерде тұман, көктайғақ, бұрқасын күтіледі. Солтүстік-шығыстан, солтүстіктен жел соғады, күші кей жерлерде 15-20 м/с күтіледі.
Ақтау қаласында 17 ақпанда кей уақыттарда көктайғақ, түнде және таңертең тұман күтіледі.
17 ақпанда Ақтөбе облысының кей жерлерінде жаяу бұрқасын күтіледі. Солтүстік-шығыстан, шығыстан жел соғады, күші күндіз кей жерлерде 15-20 м/с күтіледі.
17 ақпанда Қызылорда облысының кей жерлерінде тұман, көктайғақ күтіледі. Солтүстік-шығыстан, шығыстан жел соғады, күші күндіз кей жерлерде 15-20 м/с күтіледі. Қызылорда қаласында 17 ақпанда кей уақыттарда тұман күтіледі.
17 ақпанда Атырау облысының күндіз кей жерлерінде қатты қар жауады. Кей жерлерінде бұрқасын, көктайғақ күтіледі. Солтүстік, солтүстік-шығыстан жел соғады, күші кей жерлерде 15-20 м/с.
17 ақпанда Ақмола облысының кей жерлерінде тұман, жаяу бұрқасын, көктайғақ күтіледі. Солтүстік-батыстан соғатын жел солтүстік-шығысқа ауысады, күндіз кей жерлерде 15-20 м/с күтіледі.
17 ақпанда Батыс Қазақстан облысының кей жерлерінде тұман, жаяу бұрқасын күтіледі. Солтүстік-шығыстан жел соғады, күші күндіз кей жерлерде - 15-20 м/с.
17 ақпанда Қарағанды облысының кей жерлерінде көктайғақ, тұман күтіледі.
17 ақпанда Қостанай облысының кей жерлерінде тұман, көктайғақ, күндіз оңтүстігінде жаяу бұрқасын күтіледі.
17 ақпанда Жамбыл облысында кей жерлерде тұман күтіледі. Тараз қаласында 15-17 ақпанда кей уақытта тұман күтіледі.
1197 рет оқылды
