Фото: Алматы әкімдігі
Алматыда Белсенді ұзақ өмір сүру орталығының қызметкерлері мен қызмет алушылары «Алматы – біздің ортақ үйіміз» қалалық бастамасы және «Таза Қазақстан» республикалық бағдарламасы аясында өтіп жатқан «Жарқын күз» күзгі науқанын қолдады.
Науқан аясында «Тазалық – баршамызға ортақ іс» атты спорттық плоггинг өтті. Белсенді ұзақ өмір сүру орталығының қызметкерлері мен қызмет алушылары скандинавиялық серуендеуді қаладағы саябақтар мен скверлерде қоқыс жинаумен ұштастырды.
Фото: Алматы әкімдігі
Қарт алматылықтар «Алматы – біздің ортақ үйіміз» науқанын жалғастырғаны үшін қала билігіне алғыс айтып, жас ұрпақты сүйікті қаласын таза ұстап, қорғауға, үйлерінің аумағын күтіп-баптауға шақырды.
«Қала тазалығы баршаға керек және бұл ортақ іс», – дейді зейнеткерлер.
Айта кетейік, Республика күніне орай Белсенді ұзақ өмір сүру орталықтарының барлық бөлімшесінде мерекелік концерттер өтеді.
312 рет оқылды
_140_110.webp)
