Алматы тұрғыны 11 жылдан кейін азаматтығын растап, құжаттарын алды, деп хабарлайды ҚазАқпарат.
Алматы қалалық ПД көші-қон қызметінің қызметкерлері құжатсыз, тіркеусіз және азаматтығы жоқ адамдарды анықтау жұмыстарын жүргізуде.
«Құжаттардың болмауына байланысты адамдарда денсаулық сақтау, білім алу, қажетті жәрдемақы мен зейнетақы алу мүмкіндігі шектеулі, сонымен қатар, ресми түрде жұмысқа орналасу мүмкіндігі жоқ. Мұндай адамдарды анықтау белгілі бір қиындық туғызады, өйткені Қазақстан азаматтығына жататынын анықтау және одан әрі жеке куәлікке тіркелу келуді және біршама уақытты талап етеді. Жеке куәлік алған азаматтар Қазақстан Республикасының азаматтығын растағаннан кейін ҚР азаматының жеке басын куәландыратын құжаттары рәсімделеді», – деді Алматы қалалық ПД Көші-қон қызметі басқармасының бастығы Асхат Бутунчинов.
Мысалы, 1967 жылы туған Алексей Низамов ҚР азаматының жеке куәлігін беруге рұқсат беретін құжаттарды 11 жылдан кейін алды.
«Алексей Низамов Алматы қаласының тумасы. Ол - 2011 жылы Ресей Федерациясына кеткен. Ол жергілікті тіркеуден шығарылды, бірақ белгілі бір себептермен көрші мемлекетке тіркеліп, Ресей Федерациясы азаматының төлқұжатын ала алмаған. Содан елге қайтып келген. Қайтадан тіркеуге тұра алмады, өйткені бірде-бір базада болмады. СІМ Консулдық қызметінің көмегімен Низамов азамат сауалдарына жауап алды. Ол Қазақстан азаматы ретінде құжатталды», – деп түйіндеді спикер.
780 рет оқылды
